ახალი ამბები

მედია

ახალი ამბები

სუს-ის მხრიდან გაუგონარი ზეწოლა და შანტაჟი ხორციელდება

ერთიანი ნაციონალური მოძრაობის წარმომადგენელ ხატია დეკანოიძის განცხადებით, კალაძე სუს-ის მეთოდებით - შანტაჟითა და ზეწოლით ცდილობს ბინძური წინასაარჩევნო კამპანიის დაწყებას, რაც არ გაუვა.საქმე ეხება, 5 ივნისს, ერთიანი ნაციონალური მოძრაობის გლდანის მაჟორიტარი დეპუტატობის კანდიდატ გოჩა კოკაიას სახლში ჩატარებულ ჩხრეკას. „გუშინ, სუს-მა ენმ-ის გლდანის მაჟორიტარი დეპუტატობის კანდიდატ გოჩა კოკაიას სახლში ჩხრეკა ჩაატარა, რომელიც დაახლოებით 2 საათს გრძელდებოდა. ადგილზე მისულ კანდიდატსა და ჩვენ თანაგუნდელებს მათ განუმარტეს, რომ ჩხრეკის საფუძველი ვინმე ინალიშვილის ჩვენება იყო, რომელიც კოკაიას ისეთს სამსახურეობრივ მაქინაციაში ადანაშაულებდა, რომელთანაც შეხება არ ჰქონია. ამ საქმესთან დაკავშირებით, გუშინ ღამე ახალი გარემოებები გამოიკვეთა. კერძოდ - ინალიშვილის ადვოკატი და ნათესავები დაგვიკავშირდნენ და გვითხრეს, რომ მას ასეთი ჩვენება არ მიუცია. უფრო მეტიც, ინალიშვილზე სუსის მხრიდან ზეწოლა ხორციელდება, რათა მან კოკაიას წინააღმდეგ მისცეს ჩვენება. საქმე ეხება სასამართლო განჩინებაში არსებულ უზუსტო გარემოებებს. არსებული მტკიცებულებები მათ არ ჰყოფნით, რომ ახალი სისხლის სამართლებრივი დევნის დაწყების საფუძვლით მივიდნენ კოკაიასთან და ამიტომ ზეწოლას ახორციელებენ ინალიშვილზე ყალბი ჩვენების მოსაპოვებლად. ესაა შანტაჟი და ზეწოლა ენმ-ის კანდიდატზე. ესაა კალაძის წინასაარჩევნო კამპანიის გახსნა, რომელიც პირდაპირ მიუთითებს, რომ იგი სუს-ის მეშვეობით ყველანაირ ბერკეტს გამოიყენებს, რათა ჩვენ კანდიდატებსა და აქტივისტებზე ზეწოლა მოახდინოს. მინდა ვუთხრა ხელისუფლებას, მსგავსი ზეწოლა და შანტაჟი არ გაგივათ.“

უდუმაშვილი თბილისელებთან პირობას დებს, რომ არჩევნების შემდეგ, რკინიგზის შემოვლითი გზის პროექტის განხორციელება განახლდება

ერთიანი ნაციონალური მოძრაობის თბილისის მერობის კანდიდატი ზალიკო უდუმაშვილი თბილისელებთან პირობას დებს, რომ არჩევნების შემდეგ, რკინიგზის შემოვლითი გზის პროექტის განხორციელება განახლდება.“მაგალითად, ჯორჯ ბუშის ქუჩიდან, რომელიც ყოველ საათში ათასობით ავტომობილს ატარებს, ნაკადი მტკვრის მარჯვენა და მარცხენა სანაპიროებზე ჩადის და საბოლოოდ პიკის საათებში თბილისი დიდ საცობად იქცევა. მხოლოდ იმიტომ, რომ ამ პროექტს წინა ხელისუფლების პროექტი არ დარქმეოდა, ხელისუფლებამ უარი თქვა შემოვლითი რკინიგზისა და ავტომატურად ჩქაროსნული მაგისტრალის პროექტზე.ეს გზა, რომელიც 10-კილომეტრიანი მონაკვეთია და ოთხზოლიანი, ჯორჯ ბუშის ქუჩას დიდუბის მეტროსთან აერთებდა და პრაქტიკულად მთელი ავტომობილების ნაკადის 40% თავის თავზე იღებდა. ამ პროექტზე ხელისუფლებამ უარი თქვა, შესაბამისად მივიღეთ საცობებით სავსე თბილისი და მძღოლები, რომლებიც იძულებულები არიან საცობში იდგნენ. სამაგიეროდ, დღეს რკინიგზა გადის შუაგულ ქალაქში და დასახლებულ პუნქტებში ფეთქებადსაშიში ნივთიერებები გადააქვს”, - განაცხადა უდუმაშვილმა.