მედია

ახალი ამბები

მიხეილ მაჭავარიანი საგამოძიებო ორგანოებს თხოვნით მიმართავს

მიხეილ მაჭავარიანმა დღეს „ერთიანი ნაციონალური მოძრაობის“ ცენტრალურ ოფისში გამართულ ბრიფინგზე საგამოძიებო ორგანოებს თხოვნით მიმართა, რომ საარჩევნო კამპანიაში აქტიურად ჩართული პირების დაკითხვაზე დაბარებისგან თავი შეიკავონ, წინააღმდეგ შემთხვევაში, მათი ქმედება აღიქმევა, როგორც ნორმალური საარჩევნო კამპანიისათვის ხელის შეშლა. ასევე საპარლამენტო უცირესობის ერთ–ერთმა ლიდერმა ყურადღება ახლახან გამართულ უწყებათაშორის კომისიის სხდომაზეც გაამახვილა, სადაც სწორედ ოპოზიციის წარმომადგენლებზე ზეწოლის ფაქტები განიხილეს და საგამოძიებო უწყებებს ამ კომისიის მიერ გამოცემული რეკომენდაციების გათვალისწინებისკენ მოუწოდა. „მოგეხსენებათ, ახლა მიმდინარეობს საარჩევნო კამპანია – თუ პროკურატურას, ფინანსურ პოლიციას ან სხვა რომელიმე საგამოძიებო სამსახურს აქვთ შეკითხვები და თუ ეს არ არის გადაუდებელი აუცილებლობა, რაღაც ისეთი დანაშაული, რომელიც დღეს თუ ხვალ აუცილებლად უნდა იყოს გამოძიებული და ცხელი კვალია საჭირო, მაშინ როგორც იყო უწყებათაშორის კომისიის რეკომენდაცია, იქნებ თავი შეიკავონ განსაკუთრებით ამ სამი რაიონიდან – სამტრედია, ნაძალადევი და ბაღდათი – ჩვენი აქტივისტების დაკითხვაზე დაბარებისაგან. წინააღმდეგ შემთხვევაში, თქვენც ხვდებით რას ნიშნავს, როდესაც არჩევნებამდე 1 თვეც კი არ რჩება და ფაქტობრივად, მთელი საარჩევნო შტაბი დაკითხვაზეა დაბარებული“, – აღნიშნა მიხეილ მაჭავარიანმა.  

Pages