მედია

ახალი ამბები

დავით ბაქრაძის განცხადება სოფელ ჭელაში განვითარებული მოვლენების შესახებ

ბოლო თვეების განმავლობაში, საზოგადოებაში იზრდება დაძაბულობა რელიგიურ ნიადაგზე. ძალიან სამწუხაროა, რომ ხშირ შემთხვევაში ეს გამოწვეულია მთავრობისა და სახელმწიფო უწყების არასწორი მოქმედებებით. ეს იწვევს არასტაბილურობას, რაც საფრთხეს უქმნის ქართული სახელმწიფოს ერთიანობას. უნდა გვესმოდეს, რომ აღმსარებლობის თავისუფლება არის ძირითადი კონსტიტუციური უფლება და მთავრობის ვალდებულებაა, გააკეთოს ყველაფერი, რათა დაიცვას ადამიანების კონსტიტუციური უფლებები. ჩვენ გვაქვს ისტორიული მაგალითი, როდესაც მეფე და წმინდანი დავით აღმაშენებელი კვირაში ერთხელ მუსლიმანებთან ერთად ლოცულობდა. რელიგიური შემწყნარებლობა იყო ყოველთვის საქართველოს სიძლიერის საფუძველი და თუ მთავრობა არ აღკვეთს გახშირებულ ძალადობას, ეს იქნება უმძიმესი დარტყმა ჩვენი სახელმწიფოს მდგრადობისათვის.   მოვუწოდებ მთვარობას, ადეკვატური ყურადღება მიაქციოს არატოლერანტობის ნებისმიერ გამოვლინებას. 

ერთიანი ნაციონალური მოძრაობის განცხადება

ნაციონალური მოძრაობა იუსტიციის მინისტრის კრიმინალურ ავტორიტეტებთან მეგობრობას ეხმაურება   31.08.2013წ. ერთიანი ნაციონალური მოძრაობა გამოთქვამს უკიდურეს შეშფოთებას საქართველოს იუსტიციის მინისტრის თეა წულუკიანის კრიმინალური სამყაროს ცნობილ ავტორიტეტ სოსო ჯოხაძესთან მეგობრობის ფაქტის გამო. საზოგადოებას გვსურს შევახსენოთ რომ სოსო ჯოხაძის და მისი კრიმინალური დაჯგუფების სახელს გასულ წლებში არა ერთი ცნობილი დანაშაული უკავშირდება. კერძოდ, მის დაჯგუფებას უკავშირდება სასტუმრო საქართველოსთან 2001 წელს მომხდარ კრიმინალურ გარჩევა და რამდენიმე ადამიანის მანქანაში ჩაცხრილვა რომლებიც ამჟამად ინვალიდები არიან. სოსო ჯოხაძე ასევე იყო ე.წ. „კრიტის“ ე.წ. „მაყურებელი“ 2006 წელს და შესაბამისად იმვავე წელს მომხდარი ციხის ცნობილი ბუნტის ერთ-ერთი ორგანიზატორი. არანაკლებ მნიშვნელოვანია, რომ ჯოხაძის დაჯგუფება, რომელიც ასევე დაახლოებული იყო ცნობილ კრიმინალურ ავტორიტეტ ვატო ყიფიანთან, 2003 წლამდე დაკავებული იყო ფართო მასშტაბიანი რეკეტით და ბიზნესებისთვის ფულის ე.წ. „შეწერვით“. ფაქტიურად არ იყო დარჩენილი არც ერთი მაღაზია თუ დაწესებულება აღმაშენებლის გამზირსა და მიმდებარე ქუჩებზე რომლებიც მათ არ უხდიდნენ ხარკს.   დღეს კრიმინალის დამმარცხებელი ადამიანები პოლიტიკური დევნის გამო ციხეში სხედან ხოლო მათი სასამართლო პროცესები ტრაგიკომედიად იქცა. იმ ფონზე როცა ქვეყანაში დღითიდღე იზრდება დანაშაული, რაც უარყოფითად აისახება ბიზნეს გარემოზე და წარმოადგენს უმუშევრობის სწრაფი ზრდის ერთ-ერთ მნიშვნელოვან მიზეზს, იუსტიციის მინისტრის მხრიდან ცნობილ რეკეტიორთან და კრმინალურ ავტორიტეტთან მეგობრობა სერიოზულ შეშფოთებას იწვევს. იგი ვალდებულია საზოგადოებას მისცეს განმარტებები ამ საკითხთან დაკავშირებით. 

Pages