ახალი ამბები

მედია

ახალი ამბები

შენობაში, სადაც 27-ე საარჩევნო უბანი მდებარეობს, „ქართული ოცნების“ საარჩევნო შტაბია განთავსებული

ვაკის მაჟორიტარი დეპუტატობის კანდიდატ კოტე იოსელიანის განცხადებით, ვაკის მე-2 საარჩევნო ოლქში საარჩევნო კოდექსის უხეში დარღვევის ფაქტი ფიქსირდება - შენობაში, სადაც 27-ე საარჩევნო უბანი მდებარეობს, „ქართული ოცნების“ საარჩევნო შტაბია განთავსებული.„ჩვენ ვიმყოფებოდით ადგილზე, სადაც მმართველი პარტიის ოფისი სამუშაო მდგომარეობაში დაგვხვდა, შტაბის წარმომადგენელმა კი ღიად დაგვიდასტურა, რომ ის პარტიის წინასაარჩევნო კამპანიას ემსხაურება.საქართველოს საარჩევნო კოდექსის 58-ე მუხლი კრძალავს პარტიის/ამომრჩევლთა საინიციატივო ჯგუფის კუთვნილი საარჩევნო შტაბის იმ შენობაში განთავსებას, სადაც საარჩევნო კომისიაა განთავსებული.ამიტომ, მოვუწოდებთ საქართველოს ცენტრალურ საარჩევნო კომისიას, დაინტერესდეს აღნიშნული კანონდარღვევით და იმოქმედოს კანონის შესაბამისად - გამოავლინოს და დასაჯოს კანონდარღვევაში მონაწილე ყველა პირი და პოლიტიკური სუბიექტი.ასევე, მივიმართვ აუდიტის სამსახურს გამოიკვლიონ რამდენად კანონიერად არის აღნიშნულ ფართზე გამოხორციელებული შემოწირულობა.ზემოთ ხსენებული ფაქტი ეჭვქვეშ აყენებს თვითმმართველობის არჩევნების თავისუფალ და სამართლიან გარემოში ჩატარების შესაძლებლობას.“

ვეღარ გააყალბებ - მასიური ხასიათი მიიღო შემთხვევებმა, როცა ბინის მესაკუთრეების თანხმობის გარეშე სხვადასხვა მისამართებზე ამომრჩევლებია მიწერილი

ბინის მესაკუთრეების თანხმობის გარეშე სხვადასხვა მისამართებზე ამომრჩებლების მიწერასა და საარჩევნო მანიპულაციებზე ისაუბრა დღეს გამართულ ბრიფინგზე „ვეღარ გააყალბებ“ შტაბის თანათავმჯდომარე ლევან ბეჟაშვილმა.„მასიური ხასიათი მიიღო შემთხვევებმა, როცა ბინის მესაკუთრეების თანხმობის გარეშე სხვადასხვა მისამართებზე ამომრჩევლებია მიწერილი. თბილისის მასშტაბით, ჩვენ ოფისებში ათასობით ზარი შემოდის და ასეთი ფაქტების შესახებ ინფორმაციას გვაწვდიან. დღეს ვისაუბრებ სამგორის საარჩევნო ოლქის მაგალითზე, სადაც 3 სხვადსხვა მისამართზე რამდენიმე ადამიანი მესაკუთრის თანხმობის გარეშე, უკანონოდაა მიწერილი. ბუნებრივია ეს შემთხვევები განიხილება როგორც საარჩევნო მანიპულაციების ერთ-ერთი ფორმა, რადგან ამომრჩევლის სხვადსხვა უბნებზე მობილიზება მათი პოლიტიკური მიზნით ხდება.მოვუწოდებთ ამომრჩევლებს, გადაამოწმონ სამოქალაქო რეესტრში, ასევე საუბნო კომისიის ამომრჩეველთა სიაში მათ მიასამართზე ხომ არ არიან მიწერილი ადამიანები, რომლებიც მესაკუთრეების თანხმობის გარეშე არიან რეგისტრირებულები. ან დაგვიკავშირდნენ და ჩვენ გავუწევთ დახმარებას. გარდა საარჩენო მანიპულაციებისა, ეს დაკავშირებულია სხვა სამართლებრივ პრობლემებთანაც, მათ შორის კომუნალური გადასახადების რაოდენობაზეც.“