მერაბ ჯანელიძე კარდაკარის ფარგლებში გომის თემს ესტუმრა

უკანასკნელი სიახლეები

ბოტკოველი: მივმართავთ ხელისუფლებას, გაამარტივოს მიწების რეგისტრაციის პროცესი

ერთიანი ნაციონალური მოძრაობის კახეთის რეგიონული ორგანიზაციის თავმჯდომარე გიორგი ბოტკოველი მთავრობას მოუწოდებს მოაგვარონ ის ბიუროკრატიული პრობლემები, რომლითაც გლეხები მიწის რეგისტრაციას ვერ ახერხებენ და შესაბამისად, მათთვის განკუთვნილ დახმარებებს ვერ იღებენ.„ერთის მხრივ მთავრობა რეგისტრირებულ მიწის ნაკვეთებზე დახმარებას გვიანონსებს, იქნება ეს ფულადი სახით თუ საწვავით, და მეორეს მხრივ მიწის რეგისტრაციის პროცესს არსებული ბიუროკრატიის გამო აფერხებს.რა იგულისხმება გართულებულ პროცესებში - მიწის რეგისტრაციის დროს, გლეხსა და საჯარო რეესტრს შორის, ადგილობრივი მუნიციპალიტეტი შუამავალ რგოლს წარმოადგენს. უფრო კონკრეტულად კი, როდესაც გლეხი საჯარო რეესტრს მიმართავს, საჭიროა დოკუმენტაცია ადმინისტრაციულად დასადასტურებლად ადგილობრივ მუნიციპალიტეტს გადაეგზავნოს. ადგილორივი მუნიციპალიტეტის წარმომადგენლებს კი, რომლებთაც საჯარო მოხელის ფუნქცია ჩამორთმეული აქვთ და სახელშეკრულებო მომსახურებაზე არიან გადაყვანილები, ადმინისტრაციული ოქმის გამოცემის უფლება არ აქვთ. ამიტომ, მუნიციალიტეტეებში დღეს ათასობით ასეთი განცხადებაა გაჭედილი, რითაც გლეხი ზარალდება და საკუთარი მიწის რეგისტრაიცას ვერ აკეთებს.მივმართავთ ხელისუფლებას, ამ პრობლემის გადაჭრას განსაკუთრებული ღონისძიებების გატარება არ სჭირდება. საჭიროა ელემენტარული სამთავრობო აქტის გამოცემა, რომელიც ადგილზე მუნიციპალიტეტის წარმომადგენელს საშუალებას მისცემს ნებისმიერ შესულ განცხადებაზე ადმინისტრაცული ოქმი მიირონ და შემდგომ საჯარო რეესტრის შესაბამის სასახურებსი გადაგზავნონ“.

კრედიტების გადახდაზე მორატორიუმი ყველა ფიზიკურ და იურიდიულ პირს უნდა დაუწესდეს

ერთიანი ნაციონალური მოძრაობის პოლიტიკური საბჭოს თავმჯდომარე ნიკა მელიას განცხადებით, ხელისუფლების მიერ გაჟღერებული ინიციატივა, რომელიც საბნკო კრედიტებზე შეღავათების დაწესებას მხლოდ ორი კატეგორიის ადმიანებისთვის გულისხმობს, სრულიად გაუგებარი და არასამართლიანია.„რამდენიმე დღის წინ, ერთიანმა ნაციონალურმა მოძრაობამ, ხალხის სახელით, კატეგორიულად მოითხოვა საბანკო კრედიტებზე მორატორიუმის კიდევ 3 თვით გახანგრძლივება. დღეს გამოჩნდა პრემიერი გახარია და სრულიად გაუგებრად ისაუბრა. ეს მისი სტილია, მისი ტაქტიკაა, რომ რაღაცას დაპირდეს ხალხს და მერე კვირეები გავიდეს იმის დადგენაში, თუ რა თქვა.გახარიამ აღნიშნა, რომ საბანკო კრედიტების გადავადება 3 თვით გახანგრძლივდება მხოლოდ 2 კატეგორიის პირებისთვის - ვისაც თითქოს უკვე ეხმარებიან და ვინც სამსახური დაკარგა. ესაა ტყუილი! როცა პრემიერი ამბობს, ვისაც უკვე ვეხმარებითო. არცერთ ადამიანს ამ ქვეყანაში დახმარება არ მიუღია. ხოლო, როცა ამბობს, ვინც სამსახური დაკარგაო, ეს ნიშნავს რომ ჩვენ 600 ათას თვითდასაქმებულ მოქალაქეს, მთავრობამ კვლავაც ზურგი აქცია.ან რას ეუბნებით ადამიანებს, რომლებთაც არასდროს უმუშავიათ, მაგრამ ახლობლების, ოჯახის წევრების მიერ საზღვარგარეთიდან გამოგზავნილი თანხებით ცხოვრობდნენ?! ახლა კი, შექმნილი მდგომარეობის გამო, ეს გზავნილებიც ვერ ხორციელდება.ჩვენი კატეგორიული მოთხოვნაა - კრედიტების გადახდაზე მორატორიუმი სექტემბრამდე დაუწესდეს ყველა (მსურველს) ფიზიკურ და იურიდიულ პირს. მათ შორის იმ მოქალაქეებსაც, რომლებაც ვალი მიკროსაფინანსო ორგანიზაციებიდან აიღეს.“

ნიკა მელია: საბანკო შეღავათები კიდევ 3 თვით უნდა გახანგრძლივდეს

ერთიანი ნაციონალური მოძრაობის პოლიტიკური საბჭოს თავმჯდომარე ნიკა მელია ხელისუფლებას წინადადებთ მიმართავს, რომელიც საბანკო შეღავათების კიდევ 3 თვით გახანგრძლივებას გულისხმობს. როგორც მელია აღნიშნავს, იმ ფონზე, როცა ყოველი 10 მოქალაქიდან 7-ს ბანკის ვალი აქვს, ქვეყანაში კი ეკონომიკა გაჩერებულია, ხელისუფლებამ ხალხი ამ გადასახადებიდან მაინც უნდა გაათავისუფლოს. „ძალიან სამწუხაროა იმ ყველაფრის ხილვა, რასაც უკანასკნელი დღეები ვაკვირდებით. ხელისუფლება საერთოდ აღარ ჩანს. თუ აქამდე იყო იმიტაცია, რომ პროცესებს მართავდნენ, დღეს საერთოდ დაიკარგნენ. ივნისში იწურება ის 3 თვე, რომლის განმავლობაშიც ბანკებს საშეღავათო პერიოდი ჰქონდათ დაწესებული. შესაბამისად, გაჩნდება გაზრდილი პროცენტების გადახდის ვალდებულება. ეს ნიშნავს, რომ მოქალაქეების წინააღმდეგ, რომლებმაც დაკარგეს სამსახურები და ყოველგვარი შემოსავლის გარეშე არიან დარჩენილები, იძულებითი აღსრულება დაიწყება.საერთაშორისო პარტნიორებისა და სავალუტო ფონდების დახმარებით, ჩვენ საბანკო სექტორისთვის მილიარდ-ნახევარი დოლარი მოვიზიდეთ, ეს გვაძლევს საშუალებას გაგრძელდეს საშეღავათო პერიოდი. ამიტომ, მოვუწოდებ ხელისუფლებას, კიდევ 3 თვით გადავადდეს საკრედიტო შენატანების პერიოდი. დარწმუნებული ვარ ამ მოწოდებაში სრულიად საქართველო ერთიანი იქნება“ _ განაცხადა მელიამ.