გაზიარება
UNM UNM
მედია - 13:32 / 10 ოქტომბერი 2013

აკაკი მინაშვილი: "მე–17 საპყრობილეში სიტუაციას ე.წ. მაყურებლები და ავტორიტეტები აკონტროლებენ"

აკაკი მინაშვილმა დღევანდელ ბრიფინგზე ე.წ. "მაყურებლებისა" და ავტორიტეტების მხრიდან მე–17 საპყრობილეში სიტუაციის კონტროლის შესახებ ისაუბრა. საპარლამენტო უმცირესობის წევრმა კონკრეტული გვარებიც დაასახელა.

 

"პირველ რიგში, მთავარი ხელმძღვანელი ამ მართვის სისტემის არის კანონიერი ქურდი ვინმე გერლიანი. ასევე არის რამდენიმე მაყურებელი, რომლებიც დაყოფილები არიან ზონების მიხედვით. მაგალითად, ერთი არის ვინმე ასლანიანი, გერლიანის მარჯვენა ხელი. ასევე, მაგალითად, პირველი ზონის მაყურებელი ვინმე ზარნაძეა, ასევე ზონის მაყურებელი ვინმე მანაშვილი, ახალი ზონის მაყურებლები – ვინმე ტერტერაშვილი და ფირცხალავა. სამედიცინო ნაწილის ანუ, ე.წ. "ბალნიჩკის" მაყურებელი ვინმე ყურაშვილი", - აღნიშნა აკაკი მინაშვილმა.

 

"ერთიანი ნაციონალური მოძრაობის" წევრი 16 წლის პატიმრის გარდაცვალების ფაქტსაც გამოეხმაურა და ამასთან დაკავშირებით, მთავრობისგან შესაბამისი რეაგირება და ზომების მიღება მოითხოვა.