დეკანოიძე: სააკაშვილის ჯანმრთელობის მდგომარეობა უკიდურესად დამძიმებულია
"სააკაშვილის ჯანმრთელობის მდგომარეობა არ არის მხოლოდ კონკრეტულად მისი ოჯახის წევრების, პარტიის, მეგობრების ან მისი მხარდაჭერების მთავარი გამოწვევა, ეს არის სახელმწიფოს ერთ-ერთი მნიშვნელოვანი გამოწვევა" - აღნიშნულის შესახებ დღეს გამართულ ბრიფინგზე საპარლამენტო ფრაქცია "ერთიანი ნაციონალური მოძრაობა - ძალა ერთობაშიას" თავმჯდომარე ხატია დეკანოიძემ ისაუბრა.მისივე თქმით, და ამ გამოწვევას თუ სახელმწიფო და საზოგადოება არ გაუმკლავდა ისე, როგორც არის საჭირო, შედეგები უმძიმესი იქნება."მე მინდა საზოგადოებას ვუთხრა ძალიან შემაშფოთებელი ინფორმაცია, რომელზეც ისაუბრა ჩემმა კოლეგამ და მეგობარმა თემურ ჯანაშიამ, მაგრამ მინდა აუცილებლად ხაზი გავუსვა იმას, რომ დღეს მან მოინახულა მიხეილ სააკაშვილი და მიხეილ სააკაშვილის ჯანმრთელობის მდგომარეობა არის უკიდურესად დამძიმებული და ესაჭიროება სასწრაფოდ გადაუდებელი არა მხოლოდ შეფასება, არამედ ჩარევა. მე ვესაუბრე თემურ ჯანაშიას რამდენჯერმე, ასევე მქონდა საუბარი იმ ადამიანებთან, ვინც ჩართულია მისი ჯანმრთელობის მდგომარეობის შეფასებასთან და ასევე მინდა მოგახსენოთ, რომ რეალურად მისი ყველა პარამეტრი, რომელიც უნდა იყოს მთავარი განმსაზღვრელი ადამიანის ჯანმრთელობის განმსაზღვრელი არის სამწუხაროდ ძალიან მძიმე და ეს უპირველეს ყოვლისა არის ხელისუფლების პასუხისმგებლობა.გარდა ამისა, მე მინდა საზოგადოებას ვუთხრა შემდეგი, რომ მიხეილ სააკაშვილის ჯანმრთელობის მდგომარეობის დამძიმება, რომელიც კიდევ ერთხელ ვიმეორებ არის თავიდან ბოლომდე ხელისუფლების პასუხისმგებლობა, რეალურად უკავშირდება სწორედ იმას, რომ მთელი ამ პერიოდის განმავლობაში ვერ შეძლო ხელისუფლებამ უზრუნველყოფა გაეკეთებინა იმის, რომ დამოუკიდებელ, საერთაშორისო ექსპერტებს გაეკეთებინათ ის შეფასება, რომელიც არის აუცილებელი მისი ჯანმრთელობის მდგომარეობისთვის. გარდა ამისა, მთელი ამ პერიოდის განმავლობაში მათ საზოგადოება კვებეს მხოლოდ პროპაგანდით, რომ მიხეილ სააკაშვილის ჯანმრთელობის მდგომარეობა არ იმსახურებს რეალურად რაიმე სახის შეშფოთებას, რაც არის ტყუილი, რადგან ჩვენ თავიდანვე ვითხოვდით, რომ საქართველოს მესამე პრეზიდენტის ჯანმრთელობის მდგომარეობის გამო მისი გადაყვანა და სასჯელის გადავადება მომხდარიყო სწორედ ჩართულობით იმ ექსპერტების, რომლებსაც ახლა არ უშვებენ.მე მინდა საზოგადოებას შევახსენო, რომ რეალურად მიხეილ სააკაშვილის ჯანმრთელობის მდგომარეობა არ არის მხოლოდ კონკრეტულად მისი ოჯახის წევრების, პარტიის, მეგობრების ან მისი მხარდაჭერების მთავარი გამოწვევა, ეს არის სახელმწიფოს ერთ-ერთი მნიშვნელოვანი გამოწვევა და ამ გამოწვევას თუ სახელმწიფო და საზოგადოება არ გაუმკლავდა ისე, როგორც არის საჭირო, რა თქმა უნდა, ეს იქნება ძალიან მძიმე.მოვითხოვთ და მინდა ასევე ხაზი გავუსვა, რომ ექსპერტს ამ დრომდე არ აქვს საშუალება შევიდეს. მე რამდენიმე დღის წინ მოვითხოვე ჯანდაცვის მინისტრთან შეხვედრა, მაგრამ სამწუხაროდ ბიუროკრატიული პროცედურების გაწელვის გამო, დღემდე ამ ადამიანს, რომელიც სარგებლობს ძალიან მაღალი რეპუტაციით, არ აქვს საშუალება შევიდეს და მოინახულოს მიხეილ სააკაშვილი და ვიმეორებ, განსაკუთრებით ახლა, რაც ჩვენმა კოლეგამ ესეთი შემშფოთებელი ინფორმაცია გამოიტანა და ამ შემაშფოთებელი ინფორმაციის არავითარი უგულებელყოფა ექიმებისგან არ მოგვისმენია, არის ნიშანდობლივი. მისი გადაყვანა, გადარჩენა, ჯანმრთელობის მდგომარეობის შენარჩუნება აუცილებელია და ეს უნდა იყოს დღეს საზოგადოების კონცენტრირების მთავარი, უპირველესი ამოცანა. დამატებითი ბიუროკრატიული პროცედურების გარეშე ექსპერტს უნდა მიეცეს საშუალება შევიდეს და მოინახულოს მიხეილ სააკაშვილი. ამ ვითარებაში, დღეს, როცა მთელი ჩვენი კონცენტრირება მიმართული იქნება მიხეილ სააკაშვილის ჯანმრთელობის მდგომარეობასთან დაკავშირებით, საქმის კურსში ჩავაყენოთ უფლებადამცველი ორგანიზაციები, საერთაშორისო მისიები, დიპლომატები, დღეს მე ვერ ვხედავ იმის სულ მცირე შესაძლებლობას, რომ რუტინული დღის წესრიგით ვიმოქმედოთ დღეს პარლამენტში." -აღნიშნა დეკანოიძემ.
