მთავრობამ უნდა უპასუხოს სპორტდარბაზებში დასაქმებულებს - როდის შეძლებენ მუშაობის განახლებას

„ერთიანი ნაციონალური მოძრაობის“ პოლიტიკური საბჭოს წარმომადგენელი დიმიტრი შაშკინი, ფიტნეს და სპორტ დარბაზებში დასაქმებული, ამჟამად უმუშევრად დარჩენილი 900-მდე ადმაიანის მოთხოვნას ეხმაურება და აღნიშნავს, რომ საქართველოს მთავრობამ, მინიმუმ  ამ ადამიანებს უნდა უპასუხოს და უთხრას -როდის შეძლებენ მუშაობის განახლებას. “ქართული ოცნების მმართველობის სტილი ხალხის იგნორია. ძალიან ცოტა დრო დარჩათ ხელისუფლებაში ყოფნის და გააორმაგეს ჯიბეების გასქელება. მათ ხალხის პრობლემების მოსასმენადაც კი არ რჩებათ დრო.   ბოლო თვეების განმავლობაში ორჯერ ჩატარდა საპროტესტო აქცია. ასობით ადამიანი გამოვიდა ქუჩაში.  ისინი ითხოვდნენ ერთადერთ რამეს - პასუხს იმ პრობლემაზე, რომელიც აწუხებთ. ეს ხალხი არ მოიხმარს ნარკოტიკებს, არ იპარავს, არ ძარცვავს ბიუჯეტს, თავიანთი რთული შრომით ცდილობენ შეინახონ ოჯახები.  დაახლოებით 900 ადამიანი დასაქმებული იყო ფიტნეს და სპორტულ ცენტრებში და უკვე 3 თვეა უმუშევრები არიან. მათ არ ჰყავთ ოჯახები, რომლებიც საქართელოს მთავრობის მინისტრებისგან განსხვავებით,  მილიონებს ჩუქნიან. ისინი თავისი შრომით ცდილობენ ოჯახების შენახვას.ეს ხალხი ითხოვს ერთადერთ რამეს-  გასცენ პასუხი, როდის შეძლებენ მუშაობის განახლებას. რატომაა ევროპაში და ამერიკაში, სადაც პანდემიის მხრივ გაცილებით რთული ვითარებაა, სპორტდარბაზები გახსნილი?! ექიმების მოთხოვნებისა და რეკომენდაციების დაცვით ეს დარბაზები მუშაობენ და რატომ ვერ ახერხებს იგივეს საქართველოს ხელისუფლება?! რატომ მისცეს დარბაზებს უფრო მეტი რისკ დატვირთვა, ვიდრე საზოგადოებრივ ტრანსპორტს, სავაჭრო ცენტრებს, ბაზრებს?!უნდათ პასუხის მიღება, მათი მოთხოვნა დარბაზების ხვალვე გაიხხნა კი არა, არამედ უბრალოდ პასუხია - როდის შეძლებენ და რა უნდა გააკეთონ იმისთვის, რომ უსაფრთხოდ იმუშაონ.მთავრობამ მათ პასუხი უნდა გასცეს ან შესთავაზოს ადეკვატური კომპენსაცია. „

თუ მაღალჩინოსნები საზოგადოებაში პოლარიზაციის დათესვას გააგრძელებენ, მთელი ცივილიზაციის რისხვა მოხვდებათ

„თუ „ქართული ოცნების“ მაღალჩინოსნები საზოგადოებაში პოლარიზაციის დათესვას გააგრძელებენ, მთელი ცივილიზაციის რისხვა მოხვდებათ“ - აღნიშნულის შესახებ დღეს გამართულ ბრიფინგზე „ერთიანი ნაციონალური მოძრაობის“ პოლიტიკური საბჭოს წარმომადგენელმა ხატია დეკანოიძემ ისაუბრა. სპეციალური ბრიფინგით დეკანოიძე მთავრობის წარმომადგენლების მხრიდან ოპოზიციის მისამართით სიძულვილის ენის გამოყენებას გამოეხმაუბრა. „მიუხედავად ჩვენი პარტნიორების არაერთი მკაცრი გაფრთხილებისა, რომ საარჩევნო გარემო თავისუფალი უნდა იყოს, ხოლო არჩევნები დემოკრატიულ გარემოში ჩატარდეს, ხელისუფლების წარმომადგენლები მხრიდან, მუდმივად ვისმენთ ძალიან მძიმე სიძულვილის ენას. გვიწოდებენ რადიკალებს, კრიმინალებს. მათ შორის პარლამენტის მაღალი ტრიბუნიდან პრემიერი არ ერიდება ძველბიჭურ გარჩევებს ოპოზიციის მიმართულებით.ეს არის სიძულვილის და დაპირისპირების ენის გაღვივება, რომელიც საზოგადოებაში პოლარიზაციას, ვითარების დამძიმებას უწყობს ხელს. უკვე აშკარაა, რომ ხელისუფლება არა საქართველოს მოქალაქეებს, არამედ მხოლოდ ივანიშვილს ესაუბრებადა ამ სიძულვილოს ენასაც მხოლოდ მის გასაგონად, საამებლად იყენებს. ჩვენი ინტერესია არჩევნები  დემოკრატიულ, ნორმალურ ვითარებაში ჩატარდეს. მინდა ხელისუფლება გავაფრთხილო, იმ შემთხვევაში, თუ ქვეყანაში ნორმალური საარჩევნო ვითარება არ იქნება, არ ჩატარდება დემოკრატიული არჩევნები, მათთვის შედეგი ძალიან მძიმე იქნება. მათ საზოგადოების და ზოგადად ცვილიაზაციის რისხვა მოხვდებათ ცხვირში თუ ასე გააგრძელებენ პოლარიზაციის დათესვას საზოგადოებაში.“

ოპოზიციური პარტიების ერთობლივი განცხადება

პოლიტიკური პარტიების, საქართველოს მოქალაქეების, აქტივისტების ძალისხმევითა და საერთაშორისო მეგობრების დახმარებით, ბიძინა ივანიშვილი იძულებული გახდა თავად მიეღო იმგვარი ცვლილებები, რაც არსებითად პროპორციული არჩევნების ჩატარებას შესაძლებელს ხდის. მადლობა ეკუთვნის თითოეულ მოქალაქეს, აქტივისტთა ჯგუფებს, სამოქალაქო მოძრაობებსა და მოლაპარაკებათა ფასილიტატორებს, საქართველოს ყველა მეგობარს, რომლებიც მხარს უჭერენ ამ ცვლილებებს.მიუხედავად იმისა, რომ ივანიშვილმა ყველაფერი გააკეთა ამისთვის ხელის შესაშლელად, გავრილოვის ღამის შემდეგ დაწყებული დემოკრატიზაციის პროცესმა შედეგი გამოიღო. ეს შედეგი საქართველოს მოქალაქეებისთვის გარანტიაა, რათა ივანიშვილის დამარცხების შემდეგ მოსული ხელისუფლება, უკონტროლოდ არ დარჩეს. ბიძინა ივანიშვილმა კიდევ ერთხელ ჩაიგდო თავი კომიკურ მდგომარეობაში, როცა არსებითად პროპორციულ საარჩევნო მოდელზე გადასვლა, ოპოზიციაზე გამარჯვებად გამოაცხადა. საერთაშორისო მეგობრების დახმარებითა და ქართველი ხალხის მტკიცე ნებით მიღწეულ შედეგს კი, თავის სურვილს უწოდებს.8 მარტის შეთანხმება სრულად უნდა შესრულდეს და მართლმსაჯულების პოლიტიკური მიზნებით გამოყენება შეწყდეს.გიორგი რურუას გათავისუფლება პრინციპულ საკითხად რჩება ყველასთვის, ვისთვისაც საქართველოში კანონის უზენაესობა და შერჩევითი სამართლის დაუშვებლობა მნიშვნელოვანი საკითხია.აქტიურ სამოქალაქო მოძრაობებთან ერთად, არსებითად პროპორციული არჩევნების მიღწევაში, დიდი როლი ითამაშა დემოკრატიული ოპოზიციის ერთიანობამ და მტკიცე პოზიციებმა. ის, თუ როგორ მივაღწიეთ არსებითად პროპორციულ არჩევნებს, მაგალითია მომავალი თანამშრომლობისა და კონსოლიდაციისთვის, რაც აუცილებელია საქართველოს ეკონომიკური თუ პოლიტიკური ჩიხიდან გამოსაყვანად. მიუხედავად ჩვენს შორის არსებული არსებითი განსხვავევებისა, მომავალ პოლიტიკურ პროცესს სწორედ ამ პასუხისმგებლობით ვაპირებთ მივუდგეთ.ევროპული საქართველოერთიანი ნაციონალური მოძრაობარესპუბლიკური პარტიაახალი საქართველოახალი პოლიტიკური ცენტრი გირჩიევროპული დემოკრატებიქრისტიან კონსერვატიული პარტიაერთიანი საქართველო-დემოკრატიული მოძრაობამოძრაობა სახელმწიფო ხალხისათვისემსახურე საქართველოსლეიბორისტული პარტიაგამარჯვებული საქართველომოძრაობა ლელო საქართველოსთვისთავისუფალი დემოკრატებისაქართველოს პარლამენტართა საზოგადოებასამოქალაქო ალიანსი თავისუფლებისათვისსამართლიანობისთვისკანონი და სამართალიეროვნულ დემოკრატიული პარტია

მიუხედავად შეთანხმებისა, რურუა კვლავ პატიმრობაში რჩება

დღეს აშშ-ის სენატში საგარეო საქმეთა კომიტეტის თავმჯდომარე რიშმა საკანონმდებლო ინიციატივა შეიტანა. დოკუმენტთან დაკავშირებით, რომლის სათაურია  - "დემოკრატიის ხარისხის შემოწმება საქართველოში", ფრაქცია "ერთიანი ნაციონალური მოძრაობის" თავმჯდომარის მოადგილე სალომე სამადაშვილმა სპეციალირ ბრიფინგზე ისაუბრა. სამადაშვილის თქმით, ესაა შესწორება იმ მნიშვნელოვან დოკუმენტში, რომელიც 2021 წელს საქართველოსთან თავდაცვის სფეროში თანამშრომლობისთვის შესაბამის ბიუჯეტს გამოყოფს."გვსურს შეგახსენოთ, სწორედ დემოკრატიული პრინციპების გატარებაზეა დამოკიდებული აშშ-ის სამხედრო თანამშრომლობა და ფინანსური დახმარება ჩვენი ქვეყნისთვის. ამ დოკუმენტში საუბარია, როგორც გავრილოვის ღამეზე და შემდეგ განვითარებულ მოვლენებზე, ასევე 8 მარტის შეთანხმებაზე და აღნიშნულია, რომ ამ შეთანხმების ნაწილია, საპატიმროდან პოლიტპატიმარი გიორგი რურუას გათავისუფლება.ეს კიდევ ერთხელ ადასტურებს, არანაირი ეჭვი არ არსებობს, რომ შეთანხმების თანახმად რურუა უნდა გათავისუფლდეს, საკანონმდებლო ინიციატივა მიესალმება გიგი უგულავასა და ირაკლი ოქრუაშვილის გათავისუფლებას და აქვე ამბობს, იმისათვის, რომ პოზიტიურად შეფასდეს ქვეყანაში დემოკრატიული პერსპექტივა, აუცილებელია 8 მარტის შეთანხმების ყველა პუნქტის შესრულება." დოკუმენტი

ესაა ხელისუფლების მიერ წახალისებული ქმედება

„ერთიანი ნაციონალური მოძრაობის“თავმჯდომარე გრიგოლ ვაშაძე გორში, პარტიის ოფისის დარბევის ფაქტს ეხმაურება და აღნიშნავს, რომ ესაა ხელისუფლების მიერ წახალისებული ქმედება.„დღეს, 09:30 საათზე, ხელისუფლების მიერ წახალისებულმა და მათ მიერ მოგზავნილმა ბოროტმოქმედებმა, მეოთხედ დაარბიეს გორში, ჩვენი პარტიის ოფისი. ჩამსხვრეულია შუშები, დაზიანებულია ავეჯი და ტექნიკა. მეტიც, ოფისთან დანით შეიარაღებული პირი იდგა ჩვენი პარტიისა და რეგიონალურ ოფისში მომუშავე ადამიანების მისამართით იმუქრებოდა.ამ ბარბაროსულ აქტზე პასუხისმგებლობა მთლიანად „ქართულ ოცნებას“ ეკისრება. არცერთი ადამიანი არ და ვერ გაბედავდა ოფისის დარბევას ეს რომ პირდაპირ შეკვეთილი და წახალისებული არ იყოს ოცნების მხრიდან. ყველა ფაქტი, იქნება ეს თავდასმხმა ოფისზე, ჩვენს წევრებზე თუ ლიდერებზე, სიცრუის და ცილისწამების ტალღა, რომელიც სახელისუფლებო საინფორმაციო წყაროებიდან მოდის, ოცნების მიერ წარმოებული ზიზღის კამპანიის ნაწილია. მათი მიზანია გაანადგურონ მთავარი ოპოზიციური პარტია და ხელი შეუშალონ მოახლოებულ არცევნებში.ეს ისტერიული ქმედებები ნათლად აჩენს, რომ ხელისუფლება განწირულია და მათ იციან რა სავალალო მდგომარეობაში არიან. მოქალაქეებს მინდა ვუთხრა, ნუ მისცემთ უფლებას ხელისუფლებას წაგართვან ხმა და ხელი შეუშალონ ჩვენს ქვეყანა ნორმალური, ცივილური დემოკრატიის განვითარების გზას დაუბრუნდეს.“ - აცხადებს გრიგოლ ვაშაძე.

სუს-ი შანტაჟით ცდილობს ადამიანებში შიშის დათესვას... რეჟიმი ბოლო წუთებს ითვლის

დეკანოიძე ჟურნალისტებისა და რესპოდენტების სახელმწიფო უსაფრთხოების სამსახურში დაბარებას ეხმაურება და აღნიშნავს, რომ ესაა საქართველოს კონსტიტუციის მიხედვით გამოხატვისა და სიტყვის თავისუფლების შეზღუდვა."მინდა გამოვეხმაურო ბოლო დროს სუსის მიერ გატარებულ ანტისახლემწიფოებრივ და საქართველოს კონსტიტუციის წინააღმდეგ მიმართულ ქმედებას, რომელიც კრიტიკულ მედიასა და სოციალურ ქსელებში აზრის დაფიქსირების გამო რესპოდენტებისა და ჟურნალისტების მასობრივ დაბარებას, მათი დაშინების მცდელობას. ასევე, პოლიტიკოსებისა და ჟურნალისტების მიერ სოციალურ ქსელებში გამოქვეყნებული სტატუსების გამო მათ დაბარებას. ეს ყველაფერი პირდაპირ ეწინააღმდეგება საქართველოს კონსტიტუციას, გამოხატვის თავისუფლებას და მიმართულია მხოლოდ ერთი რამისკენ - მაშინ, როცა რეჟიმი ბოლო წუთებს ითვლის, როცა გასაგებია რომ ოქტომბერში ივანიშვილის ვერტიკალი ჩამოიშლება და ხელისუფლებაში ვეღარ დარჩება, სუსი ყველაზე უფრო რეპრესიული და პოლიტიზებული სამართალდამცავი უწყება ასე დაშინებით ცდილობს მასიურად დათესოს შიში.მინდა ვუთხრა ყველას, ესაა ანტისახლემწიფოებრივი ქმედება, კონსტიტუციის დარღვევა, რადგან ადამიანებს თავისუფალი აზრის გამოხატვის უფლება აქვთ.შესაბამისად, ყველა ბრძანების გამცემი და ამ ხალხის სუსში დამბარებელო ხალხი კანონის წინაშე აგებენ პასუხს.ჩვენ განსაკუთრებუთ შემაშფოთებლად ვადაფასებთ ამ ქმედებებს და ეს ინფორმაცია აუცილებლად ეცნობება როგორც დიპლომატიურ კორპუსს, ასევე შესაბამის არასამთავრობო ორგანიზაციებს."- აცხადებს დეკანოიძე და დასძენს:"მაშინ როდესაც, რეჟმი ითვლის ბოლო წუთებს და უკვე გასაგებია, რომ არჩევნებში ივანიშვილის ოლიგარქიული ვერტიკალი მთლიანად ჩამოიშლება, სუს-ი ყველაზე უფრო რეპრესიული და პოლიტიკური სამართალდამცავი უწყება, დაშინებით, ადამიანების შანტაჟთ ცდილობს მასობრივად დათესოს ადამიანებში შიში".

ენმ მთელს საქართველოში