გაზიარება
UNM UNM
ვიდეო გალერეა

ნუგზარ წიკლაური: მიწა გასხვისდა კანონმდებლობის უხეში დარღვევით

 რამდენიმე ჰექტარი მიწის გაცვლა მოხდა თურმე იმიტომ, რომ ბიძინა ივანიშვილმა გადაწყვტია ქვა-ღორღიანი მიწა დაიტოვოს თავისთვის, ხოლო აყვავებული წალკოტი მისცეს ქართველ ხალხს, - ამის შესახებ დღევანდელ საპარლამენტო სესიაზე უმცირესობის წევრმა ნუგზარ წიკლაურმა განაცხადა. მისი თქმით, მერიის გადაწყვეტილებით, ბოტანიკური ბაღის საკუთრებაში არსებული მიწა გასხვისდა და ეს გაკეთდა კანონმდებლობის უხეში დარღვევით - საკრებულოსა და საზოგადოებრივი განხილვების გვერდის ავლით. ”იყო საუბრები, რომ რამდენიმე ჰექტარი მიწის გაცვლა მოხდა თურმე იმიტომ, რომ ბიძინა ივანიშვილმა გადაწყვტია ქვა-ღორღიანი მიწა დაიტოვოს თავისთვის, ხოლო აყვავებული წალკოტი მისცეს ქართველ ხალხს. ხელთ გვაქვს დოკუმენტები, რომლებიც ააშკარავებს, რომ ეს გადაწყვეტილება იყო მიღებული მერკანტილური მიზნით და მტაცებლობის სულისკვითებით, რომლითაც გამოირჩევა ეს ადამიანი საქართველოსთან”, - განაცხადა წიკლაური. მისივე თქმით, ბიძინა ივანიშვილმა მიიღო საკუთრებაში ის რაც მას სურდა, რათა ნებისმიერი რამ აეშენებინა თავის მიწაზე. ”ამ მიწას შუაზე ყოფს მაღალი ძაბვის გადამცემი საჰაერო ელექტროხაზი. სწორედ ამის გამო აქ აკრძალულია სამშენებლო და სხვა ტიპის საქმიანობის განხორციელება. შესაბამისად, ბატონი ივანიშვილი ვერაფერს ააშენებდა იმ ტერიტორიაზე, რომელიც მას ჰქონდა. სწორედ ამიტომ მოხდა გაცვლა. ხალხს გადაეცა ის მიწა, რომელზეც გადის ელექტროგადამცემი ხაზები და შესაბამისად ის სრულიად გამოუსადეგარია ბოტანიკური ბაღისთვის, ხოლო ბიძინა ივანიშვილმა მიიღო საკუთრებაში ის რაც მას სურდა, რათა ნებისმიერი რამ აეშენებინა თავის მიწაზე. თუ ამას დავუმატებთ იმასაც, რომ კრწანისი-შინდისის მშენებარე გზა ჯერ გადაიტანეს, შემდეგ გადმოიტანეს და საბოლოოდ 1200 ხე შეეწირა ამ ხუშტურს ოლიგარქისას, ჩვენ კარგად მივხვდებით რასთან გვაქვს საქმე. ის პრაქტიკა, რომლის მეშვეობითაც ბიძინა ივანიშვილი ისაკუთრებს ყველაფერს რაც ეკუთვნის ქართველ ხალხს, არის ძალაში”, - აღნიშნა წიკლაურმა. მისივე თქმით, მნიშვნელოვანია, რომ მთელი სახელმწიფო ინსტიტუტები - მერია, კულტურის სამინისტრო, ეკონომიკის სამინისტრო, გარემოს დაცვის სამინისტრო, შსს ჩართულები არიან ამ ”დასაძრახ საქმეში”. ”ასევე, პრემიერ-მინისტრი არ გრძნობს არავითარ პასუხისმგებლობას. ყველა ეს უწყება არის ხელისუფლების ხელში, თუმცა ახლოვდება 8 ოქტომბერი და დამთავრდება მათი თავგასულობა და ცინიზმი”, - აღნიშნა წიკლაურმა.