მედია

ახალი ამბები

აფხაზეთის რკინიგზის გახსნა ეროვნული ინტერესების ღია ღალატია

ერთიანი ნაციონალური მოძრაობა მიიჩნევს, რომ იმ შემთხვევაში, თუ აფხაზეთის რკინიგზა გაიხსნება, რისი საფუძვლიანი ეჭვიც არსებობს, ეს გამორიცხავს როგორც საქართველოს ტერიტორიული მთლიანობის აღდგენას, ასევე დევნილების დაბრუნებას და არაღიარების პოლიტიკის შენარჩუნებას.აღნიშნულთან დაკავშირებით დღეს გამართულ ბრიფინგზე პარტიის წარმომადგენელმა ნიკა რურუამ ისაუბრა.რურუას განცხადებით, საქართველოში სომხეთის პრემიერის ვიზიტის შემდეგ, საფუძვლიანი ეჭვი გაჩნდა, რომ მან და კვირიკაშვილმა აფხაზეთის რკინიგზის აღდგენაზე ისაუბრეს. ეჭვს საფუძვლიანს ხდის აღნიშნულთან დაკავშირებით  კარაპეტიანის მკაფიო განცხადებაც, რაც შემდგომ სომხურმა და რუსულმა მედიამაც დაადასტურა და აღნიშნა, რომ ლარსის ალტერნატიული ეკონომიკური გზა გაიხსნება.„აფხაზეთის რკინიგზის გახსნა, სრულიად დაუშვებელია. ეს  საქართველოს ტერიტორიულ მთლიანობას სასიკვდილო ჭრილობას მიაყენებს, გამორიცხავს დევნილების დაბრუნებას, ჩვენი არ აღიარების პოლიტიკის შენარჩუნებას  და საქართველოს სუვერენიტეტის აღდგენას.აფხაზეთის რკინიგზის გახსნა ეროვნული ინტერესების ღია ღალატია და დაუშვებელია, როგორც მტრული ნაბიჯი, რომელიც მხოლოდ რუსებს, სეპარატისტებს ახეირებს. ამასთან, გაგვიფუჭებს ეკონომიკურ მდგომარეობას, რადგან დაასუსტებს ტვირთბრუნვას ფოთის პორტში და გაგვიფუჭებს ურთიერთობას აზერბაიჯანთან. აღსანიშნავია, რომ იგივე ინფორმაცია გაჟღერდა აბაშაიძე-კარასინის ფორმატშიც, რომელიც აშკარად ცილდება საკუთარი უფლებების საზღვარს, რადგან ეს ფორმატი მხოლოდ ეკონომიკური საკითხებისთვისაა შექმნილი. აფხაზეთის რკინიგზის გახსნა ცალსახად პოლიტიკური საკითხია. სწორედ ამიტომ, აბაშიძე უნდა გამოცხადდეს პარლამენტში და ყველა იმ კითხვას გასცეს პასუხი, რომელიც მის მიმართ დაგროვდა.ხსენებულ თემაზე მოლაპარაკებებს, რომელიც კულუარულ ფორმატში მიმდინარეობს, ფართო საზოგადოებრივი განსჯის ფორმატი უნდა მიეცეს. თუ  ხელისუფლებამ ეს არ გააკეთა, ჩვენ  პროტესტის უკიდურეს ზომებს მივმართავთ, რასაც სახალხო ვნებათაღელვა მოჰყვება, რადგან ეს ფაქტი გამორიცხავს დევნილების დაბრუნებას და ტერიროტიული მთლიანობის აღდგენას.“

მოსმენების შესახებ კანონი ქართულ საკომუნიკაციო ბიზნესს სერიოზული რისკის ქვეშ აყენებს 

პარლამენტის ფრაქცია ერთიანი ნაციონალური მოძრაობის თავმდჯომარე რომან გოცირიძის განცხადებით, მოსმენების შესახებ კანონი ქართულ საკომუნიკაციო ბიზნესს სერიოზული რისკის ქვეშ აყენებს  და  უცხოელ ინვეტორთა თვალში ქვეყნის იმიჯს აუარესებს.  „ამ კანონით სპეცდანიშნულების სახელმწიფო ძალოვანი ორგანო ერევა ფარული კონტროლის განმახორციელებელ კერძო ოპერატორი კომპანიების ფინანსურ და სხვა სახის საქმიანობაში, ქმნის მათზე ადმინისტრაციული ზეწოლის ისეთ მექანიზმებს, რომლებმაც შეიძლება სერიოზული ზიანი მიაყენოს მათ საქმიანობას.  ახალი სააგენტო პირდაპირ ექცევა სახელმწიფო უსაფრთხოების სამსახურის დაქვემდებარებაში და მისი ოპერატიული მართვის ქვეშ.  სუსი მთლიანად ანხორციელებს სააგენტოს ხელმძღვანელი პირების დანიშვნისა და გათავისუფლების კონტროლს, ამტკიცებს სააგენტოს ბიუჯეტს და მოსამსახურეთა თანამდებობრივ სარგოებს, მონაწილეობს მმართველობით პროცედურებში.  ამ კანონის მიღება წარმოდგენილი სახით ზიანს მიაყენებს სამართლებრივი სახელმწიფოს ფორმირების პროცესს, ლახავს ადამიანის უფლებებს, ზრდის სახელმწიფოს ჩარევის ზომას კერძო ბიზნესში და მოქალაქეთა პირად ცხოვრებაში.  რომან გოცირიძე იმედს გამოთქვამს, რომ პრეზიდენტი გამოიყენებს ვეტოს უფლებას და საპარლამენტო უმრავლესობას კიდევ ერთხელ მიეცემა დაფიქრების შესაძლებლობს, რათა გამოასწოროს მათ მიერვე დაშვებული შეცდომები.  ვერა და ვერ ისწავლა ჭკუა ოცნების ხელისუფლებამ მათივე წარსული უარყოფითი გმოცდილებიდან. სულ ბოლო მაგალითი ეროვნული ბანკიდან საბანკო ზედამხედველობის სამსახურის გამოყვანა იყო, რომელსაც ახლა ისევ უკან აბრუნებან.“ 

Pages