მედია

ახალი ამბები

ენმ: გამოსაშვები გამოცდების არსებული ფორმატი უნდა გაუქმდეს

სასკოლო გამოცდებზე მოსწავლეების დიდი რაოდენობის ჩაჭრის გამო, ერთიანი ნაციონალური მოძრაობა მოითხოვს გამოსაშვები გამოცდების არსებული ფორმატი უნდა გაუქმდეს, რადგან ის არარელევანტურია. ამასთან, სამინისტრომ არსებული პრობლემების დიაგნოსტირება მოახდინოს და სისტემის გაჯანსაღებისთვის სასწრაფოდ გააორმაგოს სკოლების დაფინანსება.აღნიშნულის შესახებ დღეს გამართულ ბრიფინგზე ნინო კვიტაიშვილმა ისაუბრა.„განათლების სისტემაში შექმნილი საგანგაშო სტატისტიკა და ვითარება ადასტურებს, რომ სასკოლო რეფორმა შუა გზაზეა მიტოვებული და მისი ერთ-ერთი კომპონენტი, გამოსაშვები გამოცდები, რომელიც მოსწავლეებისთვის  მასტიმულირებელი უნდა ყოფილიყო, რეფორმის დანარჩენი კომპონენტების ჩავარდნის გამო  სადამსჯელო მექანიზმად გადაიქცა. სწორედ ამიტომ ბავშვი მარტო, პირისპირ დარჩა იმ ბარიერთან, რომელიც მას  წარმატებული მომავლისკენ გზას უკეტავს.ჩვენ მივიღეთ ის, რომ წლიდან წლამდე ყველა საგანში დადებითად შეფასებული მოსწავლეები, სისტემაში არსებული ქაოტური მდგომარეობის მსხვერპლად იქცნენ და გამოცდაზე ჩაიჭრნენ. ჩაჭრილი მოსწავლეების რაოდენობა კი ბოლო წლებში მზარდია. 2012 წელს ყოველი 100 მოსწავლიდან ჩაჭრილების რაოდენობა მხოლოდ 5 მოსწავლე იყო და რეფორმის სწორ განხორციელებას შედეგი უნდა გაეუმჯობესებინა. თუმცა, სამწუხაროდ, დღეს ყოველი მეოთხე მოსწავლე ჩაიჭრა.საგანგაშოა ისიც, რომ განათლების მინისტრი არაადექვატურად აფასებს ამ სიტუაციას, რაც კიდევ უფრო აზარალებს მოსწავლეს, მასწავლებელს და მშობელს.აღნიშნულიდან გამომდინარე, მოვითხოვთ:ამ ფორმატით უკვე არარელევანტურია გამოსაშვები გამოცდების ჩატარება და ის უნდა გაუქმდეს.სამინისტრომ მოახდინოს არსებული პრობლემების დიაგნოსტირება და სისტემის გაჯანსაღებისათვის სასწრაფოდ გააორმაგოს სკოლების დაფინანსება;განახლდეს პედაგოგთა სერტიფიცირება, მათი კომპეტენციის ამაღლებაზე მუდმივი ზრუნვის პარალელურად;გაიზარდოს მასწავლებლის ხელფასი მინიმუმ 1000, ხოლო მომდევნო წლების განმავლობაში 1500 ლარამდე;შეწყდეს სკოლების პოლიტიზირება;მოწესრიგდეს სასკოლო ინფრასტრუქტურა და სხვა.“  

ენმ პრეზიდენტს უშიშროების საბჭოს გაფართოებული სხდომის მოწვევას სთხოვს

ერთიანი ნაციონალური მოძრაობა პრეზიდენტს მიმართავს და სთხოვს უახლოეს პერიოდში მოიწვიოს უშიშროების საბჭოს გაფართოებული სხდომა, ვინაიდან ის ინსტიტუტები, რომლებიც სახელწმიფო უსაფრთხოებაზე უნდა ზრუნავდნენ, ჩამოშლილია.აღნიშნულის შესახებ დღეს გამართულ ბრიფინგზე პარტიის ერთ-ერთმა ლიდერმა ხატია დეკანოიძემ ისაუბრა.„დღეს, ძალოვანი უწყებების მიერ უკანონოდ გავრცელებულმა კადრებმა, კიდევ ერთხელ დაადასტურა, რომ ქვეყანაში საგანგაშო მდგომარეობაა შექმნილი.  მნიშვნელოვანი სახელწმიფო ინსტიტუტები, რომელთა უშუალო მოვალეობა სახელმწიფო უსაფრთხოებაზე ზრუნვაა, გენერალური აუდიტორის შანტაჟში არიან ჩართულები.  დღევანდელი ხელისუფლების პირობებეში ეს ჩვეული მეთოდია. საზოგადოებას საქმეები, სადაც სახელმწიფო ხელს აფარებს კრიმინალებს და აშანტაჟებს განსხვავებული აზრის მქონე ადამიანებს. მაგალითად,  როდესაც ხორციელდებოდა ზეწოლა საკონსტიტუციო სასამართლოს თავმჯდომარეზე, მედიის წარმომადგენლებზე, მათ შორის ტელეკომპანია „რუსთავი 2“-ის გენერალურ დირექტორ  ნიკა გვარამიაზე და ა.შ. ყოველივე ამის გათვალისწინებთ, ერთიანი ნაციონალური მოძრაობა სთხოვს პრეზიდენტს მოიწვიოს უშიშროების საბჭოს გაფართოებულის ხდომა, ვინაიდან ის სახელმწიფო ისნტიტუციები, რომლებიც სახელმწიფო უსაფრთხოებაზე უნდა ზრუნავდნენ, უკვე ჩამოიშალა. ეს სხდომა უახლოეს პერიდოში უნდა იყოს მოწვეული პოლიტიკური პარტიების მონაწილეობით. „

Pages