მედია

ახალი ამბები

ენმ გზების დეპარტამენტში არსებულ კორუფციულ სქემაზე

ერთიანი ნაციონალური მოძრაობა აგრძელებს სამთავრობო უწყებებში კორუფციული სქემების გამოვლენას. ამჯერად პარტიის წარმომადგენელმა ოთარ სირაძემ გზების დეპარტამენტის უფროს გიორგი სეთურიძის  ლობირებით შემოყვანილ ხორვატიულ საპროექტო კომპანია  IGH-თან განხოეციელებულ კორუფციულ სქემაზე ისაუბრა.„გასულ  წელს  გზების დეპარტამენტში გამოჩნდა სამ კაციანი ხორვატიული ჯგუფი, რომელმაც რამდენიმე ქართულ საპროეტქო კომპანიას შესთავაზა ხელშეკრულების დადება ისეთი სამუშაოების შესრულებაზე, რომლებზეც ტენდერი ჯერ კიდევ  გამოცხადებულიც კი არ იყო.  კითხვაზე, თუ რატომ იყვნენ დარწმუნებული ხორვატები კონკრეტული  ტენდერების გამარჯვებაში, მათი ხელმძღვანელის ნებოშა გრზუნოვის პასუხი იყო რომ მათ „გარკვეული“ და „დალაგებული“ ჰქონდათ ტენდერების საკითხები გზების დეპარტამენტის უფროსთან და რომ ისინი აუცილებლად გაიმარჯვებდნენ.ასეც მოხდა, გასულ წელს,  აღნიშნულმა კომპანიამ მონაწილეობა მიიღო საზედამხედველო სამუშაოების შესასრულებელ ტენდერში, სადაც უკონკურენტოდ იყო წარმოდგენილი ( მხოლოდ კომპანია IGH-ი მონაწილეობდა), ხოლო  სატენდერო ფასი ამ სამუშაოების შესრულებისათვის მან მიუთითა ზუსტად იმდენი (40მლნ. ლარი), რამდენიც ჰქონდა განსაზღვრული გზების დეპარტამენტს. აღსანიშნავია რომ,  ტენდერის პირობებიდან გამომდინარე, ინფორმაცია თუ რამდენი იყო გამოყოფილი ბიუჯეტიდან ამ სამუშაოების შესასრულებლად კომპანიისთვის ცნობილი არ უნდა ყოფილიყო.მოკლედ აღვწერთ რას ნიშნავს საზედამხედველო სამუშაოები და როგორ დგება მათი ფასი.საზედამხედველო სამუშაობი ხორციელდება გზების მშენებლობის პროცესში და მისი მიზანია დადგინდეს თუ რამდენადადაა შესაბამისობაში ისინი წინასწარ შედგენილ პროექტთან, როგორი ხარისხით ხორციელდება სამუშაოები, დაცული არის თუ არა ყველა სამშენებლო სტანდარტი და ა.შ. აღნიშნული ეხება არა მხოლოდ გზების, არამედ,  ხიდების, გვირაბების, ჯებირების მშენებლობებსაც. ამ სამუშაოების შესრულების ღირებულება  სტანდარტულად გამომდინარეობს  მთლიანი სამშენებლო ღირებულებიდან და 1,5-დან 3%-მდე შეადგენს.სამუშაოების ფარგლებში კომპანიას, რომელიც ახორციელებს ზედამხედველობას, ევალება სამშენებლო პროცესის მუდმივი მონიტორინგი, დასკვნების წარდგენა გზების დეპარტამენტში და სწორედ ამ დასკვნების საფძველზე ერიცხებათ თანხები უკვე სამშენებლო კომპანიებს.მთლიანი სამშენებლო სამუშაოების ღირებულება, რისი ზედამხედველობაც უნდა განხორციელდეს, შეადგენს  800 მლნ.ლარს, ხოლო კომპანია IGH-თან გაფორმებულ ხელშეკრულებაში, ზედამხედველობისთის გამოყოფილი თანხა(40მლნ.ლარი)  შეადგენს ბევრად მეტს ვიდრე სხვა შემთხვევებში და იგი უტოლდება 5%-ს. ამის  შემდეგ კომპანია IGH (იგი მხოლოდ ხორვატიაშია ცნობილი), აფორმებს ხელშეკრულებას ერთ-ერთ ქართულ კომპანიასთან, აყავს იგი ამ სამუშაოების ქვეკონტრაქტორად და ფინანსურ ნაწილში ურიგდება საერთო ღირებულების(800მლნ.ლარი) 1,5%-ზე. გაუგებარია თუ რაში იღებს ხორვატული კომპანია დანარჩენ 3,5%-ს , რომელიც 28 მლნ.ლარს შეადგენს. ჩვენ ვვარაუდობთ, რომ ამ თანხის უდიდესი ნაწილი არის სწრედ სეთურიძესთან გარიგების ნაწილი და მოითხოვს სასწრაფო რეაგირებას გამოძიების სახით.ეს არ არის ერთადერთი პროექტი, რაც გზების დეპარტამენტში ამ კონკრეტულ ხორვატულ კომპანიას უკავშირდება,  მას ასევე მოგებული აქვს შემდეგი ტენდერები:1.ლენტეხი-მესტიის გვირაბის საპროექტო სამუშაოებისთის 4,7 მლნ.ლარის ღირებულებით.2.სნო-შატილი-ახმეტა შემოვლითი გზის პროექტირება 5,9 მლნ.ლარის ღირებულებით.3.ქუთაისი-აბასთუმნის მონაკვეთის პროექტირება 4 მლნ.ლარის ღირებულების.4.ზემო იმერეთი-რაჭის გზის პროექტირება 3,7 მლნ.ლარის ჭირებულების.ჯამში 59 მლნ.ლარი.ასევე, აღსანიშნავია, რომ ამ ტენდერებშიც კომპანია IGH  ან უკონკურენტოდ იყო, ან მისი კონკურენტი  გზების დეპარტამენტის სატენდერო კომისიის მიერ დისკვალიფიცირებული კომპანია იყო, რომლის თავმჯდომარეც  სეთურიძეა.  ასე მოხდა სნო-შატილი-ახმეტის საპროექტო სამუშაოების ტენდერზე, როდესაც მათი ერთადერთი კონკურენტი დისკვალიფიცირებული ჰოლანდიური კომპანია „ANTEA NEDERLAND B.V.“ იყო. ასევე, ცნობილია, რომ გზების დეპარტამენტში სატენდერო კომისიას, თავისი მეთოდოლოგიით შეუძლია ნებისმიერი მისთვის სასურველი კომპანიის გამარჯვებულად გამოყვანა, თუნდაც ის არაკვალიფიციური იყოს. ასეთი არაერთი ფაქტი გვაქვს, რომელთაც მოგვიანებით წარმოგიდგენთ. სწორედ ამიტომ, მიგვაჩნია რომ შესასწავლია ამ სატენდერო კომისიის საქმიანობაც.ჩვენ, ერთიანმა ნაციონალურმა მოძრაობამ, წინა პერიოდში სხვადახვა სახელმწიფო უწყებების არაერთი კორუფციული სქემა გამოვაქვეყნეთ, მათ შორის გზების დეპარტამენტში არსებულებიც, და ყოველ ჯერზე მივმართავდით პროკურატურას,ან  სხვა სამართალდამცავ უწყებებს გამოძიების ჩატარების მოთხოვნით. სამწუხაროდ, აღნიშნულ მიმართვებს  არ მოჰყოლია რეაგირება. აღსანიშნავია, რომ მოგვიანებით, ჩვენ მიერ გახმოვანებული სქემები დასტურდებოდა  აუდიტის სამსახურის დასკვნებით.ამჯერად პროკურატურისა და აუდიტის სამსახურისგან კატეგორიულად მოვითხოვთ შეისწავლონ აღნიშნული ფაქტები, ოპერატიულად გამოიძიონ და აღკვეთონ საბიუჯეტო თანხების დატაცება.“  

ენმ გმობს ყოველგვარ ვანდალიზმს და სრულ პასუხისმგებლობას ივანიშვილის რეჟიმს აკისრებს

"ნაციონალური მოძრაობა კატეგორიულად გმობს და ემიჯნება ყოველგვარ ვანდალიზმს. ჩვენ ვართ პარტია, რომელმაც შექმნა პატრული და ააშენა ბათუმი. შესაბამისად, არ მივიღებთ ბრალდებას, თუნდაც რიტორიკის დონეზე, რომ ჩვენ დავაზიანებთ ჩვენსავე შექმნილს“ - აღნიშნულის შესახებ დღეს გამართულ საგანგებო ბრიფინგზე პარტიის ლიდვერმა ზაზა ბიბილაშვილმა ისაუბრა და სამართალდამცავ უწყებებს დროული და გამჭირვალე გამოძიებისკენ მოუწოდა.„გუშინდელი მოვლენები ცხადყოფს, რომ ასეთი პროტესტი თავისთავად, ცარიელ ადგილზე არ ჩნდება. ადამიანებში უსამართლობის უზარმაზარი განცდაა დაგროვილი. ქვეყანაში გამეფებულია უიმედობა, უპერსპექტივობისა და დამცირებულობის განცდა. სწორედ ამან გახადა შესაძლებელი ერთი შეხედვით ჩვეულებრივი საყოფაცხოვრებო ინციდენტი მასობრივ პროტესტში გადაზრდილიყო.ადამიანების მშვიდობიან პროტესტს მოჰყვა, რბილად რომ ვთქვათ, ძალიან უცნაური გაგრძელება - საიდანღაც გაჩნდნენ ხულიგნები და ნიღბიანები, დაიწყო თავდასხმები, საბურავებისა და მანქანების დაწვა, ვანდალიზმი. რიგითი მოქალაქეების მშვიდობიანი პროტესტი გადაიზარდა კარგად ორგანიზებულ და, როგორც ჩანს, წინასწარ დაგეგმილ, ანტისახელმწიფოებრივი მესიჯებით გაჯერებულ ძალადობაში, რაც ბევრ კითხვას აჩენს.კატეგორიულად მოვითხოვთ, გუშინდელი მოვლენები გამოძიებულ იქნას სწრაფად და გამჭვირვალედ. უნდა გამოვლიდნენ და, კანონის შესაბამისად, უმკაცრესად დაისაჯონ დამნაშაულის ორგანიზატორები და შემსრულებლები. ამასთან, გუშინელ მოვლენებზე პოლიტიკური პასუხისმგებლობა მთლიანად ივანიშვილის რეჟიმს ეკისრება.სამწუხაროდ, დღეს საქართველოში გამოძიების სანდოობა არის ნულის ტოლი, პროკურატურა და შსს მთლიანად პოლიტიზებულია - უფრო მეტად, ვიდრე ოდესმე. არც ერთი გახმაურებული საქმე არ საზოგადოებისთვის დამაჯერებლად არ გამოძიებულა. გამოძიებისადმი ნდობას კიდევ უფრო ამცირებს საფუძვლიანი ეჭვი, რომ ამ მზაკვრული პროვოკაციის აქტიური ფაზის უკან თავად ხელისუფლება დგას. პროვოკაციის პასიური ფაზა კი მოვლენათა თვითდინებაზე მიშვება იყო, როცა ხელისუფლება 10 საათის მანძილზე უმოქმედობით მაქსიმალური ზიანი მიაყენებინა ბათუმისთვის, რათა შემდეგ ეს ყველაფერი ისევ ოპოზიციისთვის გადაებრალებინა.ნაციონალური მოძრაობა არის პარტია, რომელმაც შექმნა პატრული და ააშენა ბათუმი. ჩვენ არ მივიღებთ ბრალდებას, რომ ოდესმე, რიტორიკის დონეზე მაინც დავაზიანებთ ჩვენივე შექმნილს, მით უმეტეს, ივანიშვილის მოღალატე რეჟიმის წამომადგენლებისგან, რომლებსაც ნგრევისა და პირად კომფორტზე ზრუნვის გარდა არაფერი უკეთებიათ 5 წელია. რა ბინძური სცენარებიც არ უნდა დაიდგას და გათამაშდეს, ოლიგარქი ვერ შეაჩერებს იმ ლეგიტიმურ სახალხო პროტესტს, რომელიც ყველა წესიერ ადამიანს გააჩნია რეჟიმის მიმართ“ - განაცხადა ბიბილაშვილმა. 

Pages