მედია

ახალი ამბები

ვეღარ გააყალბებ - საოლქო საარჩევნო კომისიების პოლიტიკური ნიშნით დაკომპლექტება მარტვილში

მორიგი დარღვევა და საოლქო საარჩევნო კომისიების პოლიტიკური ნიშნით დაკომპლექტება ამჯერად მარტვილში. როგორც დღეს გამართულ ბრიფინგზე ერთიანი ნაციონალური მოძრაობის შტაბ „ვეღარ გააყალბებ“ თანათავმჯდომარე ლევან ბეჟაშვილმა აღნიშნა, ქართული ოცნების საარჩევნო შტაბებსა და საოლქო  საარჩევნო კომისიებში საქმიანობის კორელაცია და ურთიერთშეთანხმებული მოქმედება გრძელდება.„ამჯერად, ჩვენ გვაქვს  მარტვილის საოლქო საარჩევნო კომისიის მაგალითი, რითაც კიდევ ერთხელ დასტურდება, რომ ცენტრალურმა საარჩევნო კომისიამ საუბნო საარჩევნო კომისიის წევრების შესარჩევი ობიექტური კრიტერიუმები არ დაადგინა. დღეს, პრაქტიკულად, ქართული ოცნების საარჩევნო შტაბები ცდილობენ საოლქო საარჩევნო კომისიების კვოტით დანიშნონ საუბნო საარჩევნო კომისიის წევრები. ჩვენ გვაქვს ამის დამადასტურებელი კონკეტული ჩანაწერები, სადაც ადამიანები აღნიშნავენ, რომ სწორედ ქართული ცონების საარჩევნო შტაბიდან დაურეკეს მათ და  საუბნო საარჩევნო კომისიის წევრობაზე განცხადების შეტანა დაავალეს. ასევე, გვაქვს ჩანაწერები, რომლითაც დასტურდება, რომ განცხადებების შეტანა კანონის დარღვევით ხდება. ანუ, კონკრეტული პირის ნაცვლად განცხადება შეაქვს გამგებლის რწმუნებულს, ან საოლქო საარჩევნო კომისიის წევრს. ყველაფერ ამის გათვალისწინებით, ცენტრალურმა საარჩევნო კომისიამ, სულ მცირე, საოლქო კომისიებისათვის მოთხოვნა უნდა დაადგინოს, რომლის მიხედვითაც საოლქო კომისიის წევრების ობიექტური შერჩევა მოხდება, რათა შემდგომ არჩევნები ჩატარდეს ობიექტურად.“ 

ვეღარ გააყალბებ - ხელისუფლება საუბნო საარჩევნო კომისიების დაკომპლექტებას პოლიტიკური ნიშნით ცდილობს

საოლქო საარჩევნო კომისიების პოლიტიკური ნიშნით დაკომპლექტებაზე ისაუბრა დღეს გამართულ ბრიფინგზე „ვეღარ გააყალბებ“ შტაბის თანათავმჯდომარე ლევან ბეჟაშვილმა. მან  მთავრობას მოუწოდა არ ეცადოს არჩევნების გაყალბებას, რადგან ამისთვის დიდი პოლიტიკური ფასის გადახდა მოუწევს.„ქართული ოცნება არ ღალატობს ჩვევას არჩევნების გაყალბებასთან დაკავშირებით. ეს პროცესი უკვე დაწყებულია. გუშინ, 2 საათზე, N5 ისნის საოლქო საარჩევნო კომისიაში საოლქო საარჩევნო კომისიის სხდომა ჩატარდა, სადაც განსახილველი საკითხი  საუბნო საარჩევნო კომისიის წევრების არჩევა იყო. საარჩევნო კოდექსის 25-ე მუხლის, 4 ნაწილის მიხედვით, საუბნო საარჩევნო კომისიის 6 წევრს  საოლქო საარჩევნო კომისია ირჩევს.  აღნიშნული სხდომა  3 საათზე დასრულდა, სადაც მიიღეს განკარგულება  საუბნო საარჩევნო კომისიის წევრების შესარჩევი კონკურსის გამოცხადების შესახებ.განკარგულების მიღებიდან  2 საათში (აღსანიშნავია, რომ ამ დროში განკარგულება საჯაროდ გამოქვეყნებული ცესკოს საიტსა და მასობრივი ინფორმაციის საშუალებებით არ იყო), ისნის საოლქო საარჩევნო კომისიაში რამდენიმე ათეული ადამიანი მივიდა. ესენი იყვნენ ქართული ოცნების გაგზავნილი ადამიანები, რომლებმაც  კონკურსში მონაწილეობის თაობაზე განცხადებები შეავსეს. ეს დადასტურებულია ვიდეო და ფოტო მტკიცებულებით. საოლქო საარჩევნო კომისიამ გამოცხადებულ კონკურსზე   27 განცხადება მიიღო. ადგილზე მისული კონკურსანტების უმრავლესობა არც მალავდა, რომ  ქართული ოცნების შტაბში გააფრთხელს წინასწარ  და  წარმოადგენდენ პარტიულ ინტერესებს. აღსანიშნავია, რომ საუბნო საარჩევნო კომისიის ასარჩევი წევრები უნდა იყვნენ დამოუკიდებლები უნდა იყვნენ და არ უნდა გააჩნდეთ პოლიტიკური კუთვნილება, რაც მოცემულ შემთხვევაში დარღვეულია.მივმართავს ცესკოს დაუყოვნებლივ მოხდეს კომისიის შეკრება, განისაზღვროს რა კრიტერიუმების საფუძველზე მოხდება საუბნო საარჩევნო კომისიის წევრების დანიშვნა, რომ გამოირიცხოს პარტიული ნიშნით დანიშვნები. მივმართავთ ხელისუფლებას - დღეს თქვენ არჩევნებს ვეღარ გააყალბებთ! ჩვენი კონტროლის ქვეშ არის ნებისმიერი პროცესი, რომელიც არჩევნებს უკავშირდება. ქართულ ოცნებას გაყალბების ნებისმიერ მცდელობაზე მოუწევს პოლიტიკური ფასის გადახდა.“

Pages