მედია

ახალი ამბები

თუ მუხტარლის საქმეზე პასუხისმგებელ პირებს არ გაათავისუფლებენ, მთელი მთავრობის გადადგომას მივაღწევთ

ერთიანი ნაციონალური მოძრაობა პრემიერს მიმართავს და მოუწოდებს როგორც შინაგან საქმეთა მინისტრი, ასევე სახელმწიფო უსაფრთხოების სამსახურის ხელმძღვანელი და ვიცე-პრემიერი დაკავებული თანამდებობებიდან გაათავისუფლოს. წინააღმდეგ შემთხვევაში, ნიკა რურუას განცხადებით, პარტია, ქართველ ხალხთან ერთად მთავრობის მთელი შემადგენლობის გადადგომას მიაღწევს.„აზერბაიჯანელი ჟურნალისტის აფგან მუხტარლის მოტაცება, როგორც ეს აქტი ამერიკის შეერთებული შტატების სახელმწიფო დეპარტამენტმა  და ევროპის კავშირმა შეაფასა, ყოველ მიზეზს გარეშე კონკრეტული პირების მიერ საკუთარ თავზე პირადი პასუხისმგებლობის აღებას მოითხოვს. ეს და ყველა მსგავსი სამარცხვინო და დანაშაულებრივი ფაქტი ყველანაირ პერსპექტივას უსპობს ჩვენს ქვეყანას,  საერთაშორისო არენაზე საქართველოს პოზიციებს აზიანებს. შესაბამისად, აუცილებლად მიგვაჩნია , რომ ხელისუფლებამ ადექვატური რეაგირება მოახდინოს, რასაც ის დღემდე, შეგნებულად არ აკეთებს.მოვუწოდებთ პრემიერ-მინისტრ კვირიკაშვილს, რომ გადააყენოს დაკავებული თანამდებობებიდან შს მინისტრის მღებრიშვილი, სუსის ხელმძღვანელი გომელაური და ვიცე-პრემიერი ჯეჯელავა, ვინც მთელი ამ პროცესის განმავლობაში უტიფარი დეზინფორმაციის კამპანიას აწარმოებს ქართული საზოგადოების თვალის ასახვევად და მოსატყუებლად.თუ დასახელებული პასუხისმგებელი პირები არ გადადგებიან, ან მათ პრემიერი არ გაათავისუფლებს, მაშინ ჩვენ მივაღწევთ მთავრობის მთელი შემადგენლობის გადადგომას ჩვენს მთავარ თანამებრძოლ ქართველ ხალხთან ერთად „- განაცხადა ნიკა რურუამ.

ენმ: გამოსაშვები გამოცდების არსებული ფორმატი უნდა გაუქმდეს

სასკოლო გამოცდებზე მოსწავლეების დიდი რაოდენობის ჩაჭრის გამო, ერთიანი ნაციონალური მოძრაობა მოითხოვს გამოსაშვები გამოცდების არსებული ფორმატი უნდა გაუქმდეს, რადგან ის არარელევანტურია. ამასთან, სამინისტრომ არსებული პრობლემების დიაგნოსტირება მოახდინოს და სისტემის გაჯანსაღებისთვის სასწრაფოდ გააორმაგოს სკოლების დაფინანსება.აღნიშნულის შესახებ დღეს გამართულ ბრიფინგზე ნინო კვიტაიშვილმა ისაუბრა.„განათლების სისტემაში შექმნილი საგანგაშო სტატისტიკა და ვითარება ადასტურებს, რომ სასკოლო რეფორმა შუა გზაზეა მიტოვებული და მისი ერთ-ერთი კომპონენტი, გამოსაშვები გამოცდები, რომელიც მოსწავლეებისთვის  მასტიმულირებელი უნდა ყოფილიყო, რეფორმის დანარჩენი კომპონენტების ჩავარდნის გამო  სადამსჯელო მექანიზმად გადაიქცა. სწორედ ამიტომ ბავშვი მარტო, პირისპირ დარჩა იმ ბარიერთან, რომელიც მას  წარმატებული მომავლისკენ გზას უკეტავს.ჩვენ მივიღეთ ის, რომ წლიდან წლამდე ყველა საგანში დადებითად შეფასებული მოსწავლეები, სისტემაში არსებული ქაოტური მდგომარეობის მსხვერპლად იქცნენ და გამოცდაზე ჩაიჭრნენ. ჩაჭრილი მოსწავლეების რაოდენობა კი ბოლო წლებში მზარდია. 2012 წელს ყოველი 100 მოსწავლიდან ჩაჭრილების რაოდენობა მხოლოდ 5 მოსწავლე იყო და რეფორმის სწორ განხორციელებას შედეგი უნდა გაეუმჯობესებინა. თუმცა, სამწუხაროდ, დღეს ყოველი მეოთხე მოსწავლე ჩაიჭრა.საგანგაშოა ისიც, რომ განათლების მინისტრი არაადექვატურად აფასებს ამ სიტუაციას, რაც კიდევ უფრო აზარალებს მოსწავლეს, მასწავლებელს და მშობელს.აღნიშნულიდან გამომდინარე, მოვითხოვთ:ამ ფორმატით უკვე არარელევანტურია გამოსაშვები გამოცდების ჩატარება და ის უნდა გაუქმდეს.სამინისტრომ მოახდინოს არსებული პრობლემების დიაგნოსტირება და სისტემის გაჯანსაღებისათვის სასწრაფოდ გააორმაგოს სკოლების დაფინანსება;განახლდეს პედაგოგთა სერტიფიცირება, მათი კომპეტენციის ამაღლებაზე მუდმივი ზრუნვის პარალელურად;გაიზარდოს მასწავლებლის ხელფასი მინიმუმ 1000, ხოლო მომდევნო წლების განმავლობაში 1500 ლარამდე;შეწყდეს სკოლების პოლიტიზირება;მოწესრიგდეს სასკოლო ინფრასტრუქტურა და სხვა.“  

Pages