მედია

ახალი ამბები

ერთიანმა ნაციონალურმა მოძრაობამ საკონსტიტუციო კომისია დატოვა

ძალაუფლების სრული უზურპაცია, პრეზიდენტის პირდაპირი წესით არჩევის გაუქმება, მისი უფლებამოსილებების შემცირება, მმართველი გუნდის ინტერესებს მორგებული საარჩევნო წესების შემოღება და რეგიონების ინტერესების შელახვა, რაც ქუთაისისთვის საპარლამენტო ქალაქის სტატუსის ჩამორთმევაში გამოიხატება -  ეს ის საკონსტიტუციო ცვლილებებია, რომელიც ცხადყოფს, რომ საკონსტიტუციო კომისია თვალის ახვევის მიზნითაა შექმნილი.ერთიანი ნაციონალური მოძრაობა არ აპირებს ამაში მონაწილეობას და სწორედ ამიტომ,  საკონსტიტუციო კომისიას ტოვებს.აღნიშნულის შესახებ დღეს გამართულ ბრიფინგზე საპარლამენტო ფრაქცია ერთიანი ნაციონალური მოძრაობის თავმჯდომარე რომან გოცირიძემ ისაუბრა. „პირველ რიგში, უნდა ითქვას, რომ ჩვენ, ისევე როგორც კომისიის სხვა წევრები, მაქსიმალურად ვეცადეთ  საკონსტიტუციო ცვლილებები  დემოკრატიისკენ  წინ გადადგმული ნაბიჯი ყოფილიყო და ქვეყნის უმთავრეს კანონში ცვლილებები  მაღალი პოლიტიკური თანხმობის საფუძველზე განხორიცლებულიყო, რაც  ქვეყანაში სტაბილურობის წინაპირობას შექმნიდა.სამწუხაროდ, აღმოჩნდა, რომ ხელისუფლებას  სრულიად საპირისპირო მიზანი ამოძრავებს და ის ამ კომისიის მუშაობას საკუთარი პოლიტიკური მიზნების მისაღწევად განიხილავს.ნაციონალური მოძრაობა გამოთქვამს იმედს საერთაშორისო ორგანიზაციები, დემოკრატიული ინსტიტუტები, მათ შორის ვენეციის კომისია  ყურადღებას მიაპყრობს მიმდინარე პროცესებს“ - განაცხადა რომან გოცირიძემ   

ენმ განათლების და მეცნიერების სამინისტროს  სახელმძღვანელოების გრიფირების წესის შეცვლისკენ მოუწოდებს

აღნიშნულის შესახებ დღეს გამართულ ბრიფინგზე ერთიანი ნაციონალური მოძრაობის განათლების და მეცნიერების ჯგუფის წარმომადგენელმა ნინო კვიტაიშვილმა ისაუბრა. ამასთან, პარტიამ სამინისტროს წერილითაც მიმართა. წერილში ნათქვამია, რომ ახალი სახელმძღვანელოების ხარისხის გაუმჯობესება შესაძლებელია მხოლოდ ავტორებთან და გამომცემლობებთან კონსტრუქციული თანამშრომლობის გზით. ამავდროულად, გასათვალისწინებელია, რომ გამომცემლობათა მიმართ ხელისუფლების ამჟამინდელი დამოკიდებულება საფრთხეს უქმნის იქ დასაქმებულ ასობით ადამიანს.გამომცემლობებთან თანამშრომლობის გზაზე კი ერთ-ერთი თითქოს ტექნიკური, მაგრამ მნიშვნელოვანი საკითხია სახელმძღვანელოების გრიფირება. გაუგებარია, თუ რატომ გადაავადა სამინისტრომ გრიფირების პროცესის დაწყება. ბუნდოვანია 2017 წლის თებერვალში დაამტკიცებული გრიფირების ახალი წესი, რომელიც  ნეპოტისტურსა და კაბალურს ხდის მთელ რიგ პროცესებს. მაგალითად, გამომცემლობებს სამინისტრო უქმნის კაბალურ პირობებს, როცა მათთვის თუნდაც ყოვლად მიუღებელ შეთავაზებაზე უარის თქმის შემთხვევაში, აჯარიმებს 50 000 ლარის ოდენობით, რაც კიდევ ერთ სერიოზულ დარტყმას მიაყენებს ქვეყანაში საგამომცემლო საქმეს.ამ წესის თანახმად სამინისტრო უფლებამოსილია ხელშეკრულება გააფორმოს იმ სახელმძღვანელოების შესყიდვასა და მოსწავლეებისთვის მიწოდებაზე, რომლებიც შესაძლოა შეფასებული იყოს ყველაზე დაბალი ქულით, რაც რა თქმა უნდა მძიმედ აისახება მოსწავლეთა ცოდნაზე, განათლების ხარისხზე.მოვუწოდებთ განათლების სამინისტროს გადახედოს გრიფირების წესს და გათვალისწინებული იქნას დარგის ექსპერტებისა და გამომცემელთა რეკომენდაციები და დროულად გამოაცხადოს გრიფირება, რათა მოსწავლეებმა მიიღონ ხარისხიანი სახელმძღვანელოები.შეცვალოს გრიფირების წესი და მინისტრის უფლებამოსილება გრიფის კონკურსგარეშე მინიჭების თაობაზე გამოყენებულ იქნეს მხოლოდ იმ შემთხვევაში, თუ არ არსებობს გრიფირების შედეგად გამოვლენილი სახელმძღვანელო ან სახელმძღვანელო/სერია შექმნილია (სამსახურებრივი ნაწარმოები) მინისტრის ბრძანების საფუძველზე. ამოღებულ იქნას გრიფირების წესიდან გამომცემლობების მიმართ საჯარიმო სანქცია, იმ შემთხვევაზე, როცა ისინი არ თანხმდებიან ხელშეკრულების გაფორმებას.სახელმძღვანელოს მიენიჭოს გრიფი 6 წლის ვადით.  

Pages