მედია

ახალი ამბები

ენმ პრემიერს მოუწოდებს დასეტყვილი სოფლები მოინახულოს და პირადად გაეცნოს ზარალს

ერთიანი ნაციონალური მოძრაობა პრემიერ-მინისტრსა და სოფლის მეურნეობის სამინისტროს მოუწოდებს კახეთში, სეტყვით დაზარალებული სოფლები მოინახულონ, აღწერონ ზარალი და პირადად უხელმძღვანელონ ზარალის დამთვლელ კომისიას.აღნიშნულის შესახებ დღეს გამართულ ბრიფინგზე გიორგი ბოტკოველმა ისაბრა.„მინდა ვისაუბრო პრობლემაზე, რომელიც დღეს ყველაზე მეტად კახეთის რეგიონს აწუხებს. ხელისუფლების ერთ-ერთი პროექტი, რომლის განხორციელებაც 2013 წელს დაიწყო და 2015 წელს დასრულდა, კახეთში სეტყვის საწინააღმდეგო დანადგარების მონტაჟი იყო. აღნიშნული პროექტი  ხელისუფლებას 20 მილიონ ლარზე მეტი დაუჯდა. ყოველწლიურად კი ბიუჯეტიდან დაახლოებით 3 მილიონი ლარი იხარჯება შესაბამისი ჭურვების შესაძენად. მაგალითად, მიმდინარე წლის მაისში, პრემიერის განკარგულებით, ტენდერისთვის, რომლითაც შესაბამისი ჭურვები უნდა შეძენილიყო 1.5 მილიონი გამოიყო.ფაქტობრივად ის თანხები, რომელიც ხელისუფლებამ 2015 წელს გადაიხადა და შემდეგ ყოველწლიურად იხარჯება, წყალშია გადაყრილი, რადგან 40 დასეტყვილი სოფელი გვაქვს, სადაც ხელისფულებას არანაირი რეაგირება არ მოუხდენია.მივმართავთ ხელისუფლებას:სასწრაფოდ ჩავიდეს კახეთში პრემიერი და სოფლის მეურნეობის მინისტრი, ადგილზე შეისწავლონ ზარალის მასშტაბები და პირადად უხელმძღვანელონ ზარალის დამთვლელ კომისიასაღნიშნული სოფლები გამოცხადდეს სტიქიური უბედურების ზონად და სასწრაფოდ დაიწყოს ზარალის ანაზღაურებადაზარალებული გლეხები 2017 წელს მიწის გადასახადისგან გათავისუფლდნენ. ასევე, ხელისუფლებამ იზრუნოს აღნიშნულ გლეხებს გაეწიოთ შეღავათები იმ სესხებზე, რომლებიც   სასოფლო სამეურნეო სავარგულების მოსავლელად  აქვთ აღებული.“ 

რეპრესიებმა და საზოგადოების ტერორის პრაქტიკამ ყოველდღიური ხასიათი მიიღო

ერთიანი ნაციონალური მოძრაობა მოითხოვს, დაუყოვნებლივ გათავისუფლდნენ დაპატიმრებული მომღერლები და დადგეს ყველა იმ პირის  პოლიტიკური და სამართლებრივი პასუხისმგებლობა, რომლებიც უშუალოდ მონაწილეობდნენ ამ საქმეში. მათ შორის, ძალოვანი უწყებების ხელმძღანელებმა დატოვონ თანამდებობები.  აღნიშნულის შესახებ დღეს გამართულ ბრიფინგზე კოტე იოსელიანმა ისაუბრა.  „ნარკოტიკების ჩადებით მომღერლების დაპატიმრება კიდევ ერთი დასტურია იმისა, რომ ქართული ოცნების ხელისუფლების მხრიდან რეპრესიებმა და საზოგადოების ტერორის პრაქტიკამ ყოველდღიური ხასიათი მიიღო. ნარკოტიკების და იარაღის ჩადება, უკანონო თვალთვალი და შანტაჟი არის ის ბინძური მეთოდები, რასაც ქართული ოცნება იყენებს კრიტიკულად განწყობილი ჟურნალისტების და საზოგადოების აქტიური ნაწილის წინააღმდეგ. ქართული ოცნება დგას ნეპოტიზმზე, კორუფციაზე, მაფიოზურ კლანებზე და იმ პარტიულ პოლიციაზე, რასაც სუს-ის სახელით ვიცნობთ. ივანიშვილის ხელისუფლება საქართველოს მოქალაქეებს დასცინის. ერთის მხრივ, სრულიად უსაფუძვლოდ და უსამართლოდ, ნარკოტიკების ან იარაღის ჩადებით, ქართული ოცნება ადამიანებს ძალიან დიდი ხნით ისტუმრებს პატიმრობაში. მეორეს მხრივ, პროკურატურა საქმეებზე პოზიციონირებას ახდენს ამ მაფიოზურ კლანში წარჩინებული პირების მითითებების ან ბერა ივანიშვილის ფეისბუქ პოსტის მიხედვით. კალაძეს კი, რომელიც გუშინ  ნარკოტიკების ჩადებით დაპატიმრებული მომღერლების საკითხს მორალის კითხვის ვიდეო ლექციით გამოეხმაურა, ფეხბურთის ფედერაციის პრეზიდენტის სკანდალური არჩევნები უკავშირდება, როცა ხმის უფლების მქონე ადამიანს ნარკოტიკული საშუალება ჩაუდეს და დააპატიმრეს,  რათა კენჭისყრის შედეგზე გავლენა მოეხდინათ.“   

Pages