მედია

ახალი ამბები

ღარიბებისთვის ჯანდაცვა სულ უფრო ხელმიუწვდომელი ხდება

ერთიანი ნაციონალური მოძრაობის დეპუტატ ზურაბ ჭიაბერაშვილის განცხადებით, საყოველთაო ჯანდაცვის პროგრამა შეძლებულებს უფრო მეტად ეხმარება, ვიდრე ღარიბებს. მისივე განცხადებით, სწორედ ამითომ პროგრამა ძირეულ ცვილელებებს საჭიროებს, რომ იგი გაჭირვებულ მოქალაქეებზე ორიენტირებული გახდეს.„გაეროს ბავშვთა ფონდის, UNICEF-ის მიერ ჩატარებულმა მოსახლეობის კეთილდღეობის კვლევამ აჩვენა, რომ  ოჯახების მიერ ძირითად პრობლემებად გაზრდილი ფასები, მძიმე ავადმყოფობა და ოჯახების შემოსავლის შემცირება დასახელდა.ოჯახების მიერ ჯანდაცვაზე გაწეული საშუალო ხარჯი, ინფლაციის გათვალისწინებით, 31%-ით გაიზარდა.39.7%-დან (2013) 44.1%-მდე (2015) გაიზარდა იმ ოჯახების წილი, რომლებიც ჯანდაცვის ხელმისაწვდომობის პრობლემას განიცდიან.იმოჯახების წილმა, რომელსაც ფინანსურად კატასტროფული ხარჯები ჰქონდა, 23%-დან(2013) 29.8%-ს(2015) მიაღწია. ამის ერთ-ერთი მთავარი მიზეზი მედიკამენტების ხარჯებია.სოციალურად გარიყულ ოჯახებში (ოჯახს აქვს ჯანდაცვაზე, განათლებაზე, დასაქმებაზე, სოციალურ დახმარებაზე, კრედიტის აღებაზე ხელმისაწვდომობის პრობლემა) მცხოვრებ ბავშვთა რაოდენობა გაიზარდა და 5.6%-დან (2013) 8.1%-ზე ავიდა (2015).ეს ხდება იმ პირობებში, როდესაც საყოველთაო ჯანდაცვის პროგრამას, უყაირათო ხარჯვის გამო, ქრონიკულად არ ჰყოფნის თანხა. პროგრამაზე 35 მლნ ლარის დამატება წელს უკვე მოხდა და პროგრამის წლიური ბიუჯეტი 570 + 35 = 605 მლნ ლარი გახდა, მაგრამ საკმარისი არც ეს იქნება. მიმდინარე ხარჯების ანალიზი ცხადყოფს, რომ წლის ბოლომდე საყოველთაო ჯანდაცვის ბიუჯეტს მინიმუმ 40 მლნ ლარის დამატება კიდევ დასჭირდება. აღსანიშნავია, რომ თუნდაც დეფიციტური ხარჯვით ჯანდაცვის სამინისტრო კლინიკების დავალიანებას სრულად ვერ ისტუმრებს. ეს კი მედპერსონალის ხელფასების გაუცემლობაში, სამედიცინო მომსახურების ხარისხის დაქვეითებასა და პაციენტების მიერ ჯიბიდან გადახდების ზრდაში აისახება.ზოგადად, სახელმწიფო ბიუჯეტის ასეთი დეფიციტური ხარჯვა უარყოფითად აისახება ლარის კურსზე და, შესაბამისად, მოქალაქეების ჯიბეზე. გაჭირვებული ადამიანები კიდევ უფრო ღარიბდებიან დაჯანდაცვაზე მათი ხელმისაწვდომობა კიდევუფრო უარესდება.“ 

ჩვენს ეკონომიკაში ზუსტად ის ხდება, რაზეც წლებია მთავრობას ვაფრთხილებთ

ერთიანი ნაციონალური მოძრაობის წარმომადგენელ ზურაბ ჭიაბერაშვილის განცხადებით, მთავრობის კანცელარიის  მიერ გაკეთებული განცხადება, რომელიც ლარის გაუფასურების მიზეზებს აღწერს და შემდგომ ამ მდგომარეობიდან გამოსვლის გზებზე მიგვითითებს ტყულია და აბსოლუტურად ბუნდოვანია.„სამწუხაროდ ჩვენს ეკონომიკაში ზუსტად ის ხდება, რაზეც წლებია მთავრობას ვაფრთხილებთ, რომ ბიუჯეტის ასეთი უყაირათო ხარჯვა, შიდა ვალების აღება, ბიუროკრატიული ხარჯების ზრდა, ქვეყანას ასეთ სავალალო შედეგაბამდე მიიყვანდა.დღეს  ჩვენ მოვისმინეთ საქართველოს მთავრობის გაბნცხადება. ის გაჯერებულია ტყუილებით და არაკომპეტენტური მოსაზრებებით. მანამდეც არაერთი ტყუილი მოგვისმენია. გაგახსენებთ, რომ 2015 წლის თებერვალში, როდესაც ლარი მკვეთრად დაეცა, კვირიკაშვილმა და ხადურმა ქამრების შემოჭერის პროგრამა გამოაცხადეს, მაგრამ არაფერი ამ მიმართულებით არ გაკეთებულა. ისინი დღეს აცხადებენ, რომ იმისთვის რომ მდგომარეობა გამოსწორდეს ეკონომიკური ზრდა მნიშვენლოვანია, მაგრამ ჩვენ ვხედავთ, რომ მას შემდეგ, რაც ივანიშვილი მთავრობაში მოვიდა, ეკონომიკური ზრდა განულებულია.ამიტომ, დღესაც ჩვენ მოვუწოდებთ მთავრობას თავი დაანებოს ტყუილებს და  ბიუროკრატიული ხარჯები შეკვეცოს, ბიუჯეტი ყაირათიანად ხარჯონ, შეწყვიტონ შიდა ვალების აღება და გადადგან ნაბიჯები ისეთი ეკონომიკური პროლიტიკისკენ, რომელიც მათ მავნებლურ ნაბიჯებს გაანეიტრალებს.მინდა დეტალურად გავყვე იმ პუნტქტებს რაზეც განცხადებაშია საუბარი.1. ამბობენ, რომ მეზობელ სავაჭრო პარტნიორ ქვეყნებში ადგილობრივი ვალუტების მნიშვნელოვანი დევალვაციაა. დაგვისახელონ სად ხდება ეს?!  არ შეიძლება განცხადებაში მთავრობამ თქვას რაღაც, რასაც ვერ ასაბუთებს. ეს ტყუილია.2. როცა აღნიშნავენ, რომ ბოლო თვეების განმავლობაში იმპორტიდან გამომდინარე გაზრდილია სავალუტო გადინებები, რომელიც საექსპორტო ბაზრებზე ფასების კლების გამო ვერ დაბალანსდა ექსპორტით, უნდა შევხედოთ საქტატის მონაცემებს, რომელიც მან გუშინ გამოაქვეყნა.  აქ აღნიშნულია, რომ ექსპორტი  7%-ით შემცირებულია. მთავრობა, რომელიც გვიმტკიცებს რომ ექსპორტი უნდა წახალისდეს, ექსპორტი მცირდება.  იმპორტიც მცირდება. თვითონ საქტატიც ამბობს, რომ თუ გამოვაკლებთ ც ჰეპატიტს სამკურნალოდ ნაჩუქებ მედიკამნეტებს, იმპორტი შემცირებულია 2%-ით. ანუ ის რომ თითქოს იმპორტი გაიზარდა და ამის გამო მეტი ვალუტა გადის, ტყუილია.3. საუბრობენ, რომ მომავალი წლის ბიუჯეტში ძირითადი აქცენტი გადატანილი იქნება ეკონომიკური ზრდის დაჩქარებაზე - გაიზრდება ინფრასტუქტურული პროექტების პორტფელი. ამასთან, მოხდება ადმინისტრაციული ხარჯების მნიშვნელოვანი შემცირება.რა განცხადება გააკეტა 2015 წელს პარლამენტში კვირიკაშვილმა, როცა 4 პუნქტიანი გეგმა წარმოადგინა?  ახსენეს ქამრების შემოჭერა?! ადმინისტრაციული ხარჯების შემცირება?! ფუფუნების საგნებე უარის თქმა?!  და რა გააკეთეს?! შედეგი  ნულია.ისინი ერთიდაიმავეს ამბობენ და რეალურად არაფერს აკეთებენ.  მათ არ იციან მდგომარეობიდან გამოსავალი სად და როგორ მოძებნონ.“

Pages