მედია

ახალი ამბები

მეორედ ჩავარდნილმა კანდიდატთა სიამ დაადასტურა, რომ საქართველო დღეს ამ ნდობის მანდატს არ ამართლებს

„სრულიად უპროცედენტოა, რომ ევროპის საბჭოს წევრ სახელმწიფოს, მესამედ უწევს კონკურსის გამოცხადება ევროპის ადამიანთა უფლებების სასამართლოში მოსამართლის დასანიშნად” - აღნიშნულის შესახებ ერთიანი ნაციონალური მოძრაობის დეპუტატმა სალომე სამადაშვილმა განაცხადა. „ხაზგასმით უნდა აღინიშნოს, რომ ეს ფაქტიურად ევროპულ სტრუქტურებში უმაღლესი თანამდებობაა, რომელიც ჯერ-ჯერობით საქართველოს ეკუთვნის. შესაბამისად, სტრასბურგის სასამართლოში ევროპული მხარის მოთხოვნების შესაბამისი კანდიდატის წარდგენა ქვეყნის პრესტიჟის საკითხია.მიუხედავად იმისა, რომ სასამართლო თავად იღებს საბოლოოდ გადაწყვეტილაბას მოსამრთლის შერჩევისას, კანდიდატების სიის წარდგენა შესაბამისი ქვეყნის პრეროგატივაა, რადგან იგულისხმება, რომ ამ ქვეყანას საკმარისად სანდო და გამჭვირვალე პროცესი აქვს კანდიდატების შესარჩევად.მეორედ ჩავარდნილმა კანდიდატთა სიამ დაადასტურა, რომ სამწუხაროდ, საქართველო დღეს ამ ნდობის მანდატს არ ამართლებს და ფაქტობრივად  ვერ პასუხობს ევროპის საბჭოს მოთხოვნების სტანდარტს. ეს არის ნეპოტისტური და პოლიტიზირებული პროცესის შედეგი, რომელმაც შერჩევის პროცესი და კონკურსი ფარსად  აქცია.ქალბატონი წულუკიანი ცდილობს აიძულოს ევროპული მხარე მისთვის სასურველი კანდიდატი დანიშნონ და ამ პროცესში უზარმაზარ ზიანს აყენებს ჩვენი ქვეყნის იმიჯსა და ევროპულ პერსპექტივას.ევროკავშირისთვის უდიდესი მნიშვნელობა აქვს ევროპის საბჭოს მოთხოვნების შესრულებას, რასაც საქართველო სამწუხაროდ დღევანდელი ხელისუფლების პირობებში კვლავ ვერ ახერხებს.“

ხელისუფლებამ წინასაარჩევნოდ ადმინისტრაციული რესურსის მობილიზება დაიწყო

ერთიანი ნაციონალური მოძრაობის წარმომადგენელ გიორგი ბოტკოველის განცხადებით, ხელისუფლებამ უკვე დაიწყო წინასაარჩევნოდ ადმინისტრაციული რესურსის მობილიზება. რისი მაგალითიც რაიონებში სოფლის გამგებლების ხელშეკრულებით გადაყვანაა. „ყველა რაიონში სოფლის გამგებლები ხელშეკრულებით გადაყავთ.  როგორც ისინი პირად საუბრებში აღნიშნავენ, შემდგომი გადაწყვეტილება მათი დაკავებულ პოზიციებზე დარჩენის თაობაზე, არჩევნებზე მიღებული შედეგებით განისაზღვრება.  ადგილობრივი ხელისუფლების წარმომადგენლები ამ ფაქტს მთავრობის იმ დადგენილებით ხსნიან, რომელიც საჯარო მოხელეთა სახელფასო რანგირებას ითვალისწინებას, თუმცა რეალურად ამ დადგენილებას ხსენებულ ფაქტთან საერთო არაფერი აქვს  და უბრალოდ ცდილობენ გადაწყვეტილება ამ დადგენილებას მოარგონ. ვფიქრობთ, რომ ამ შემთხვევაში ადმინისტრაციული რესურსის გამოყენების რამდენიმე მიზანი იკვეთება - 1. ამ ადამიანებს დაუდებენ პირობას, რომ სოფელში კარგი შედეგის ჩვენების შემთხვევაში გაუგრძელდებათ ხელშეკრულება; 2. ხელშეკრულებით მყოფ საჯარო მოხელეებს მეტი შესაძლებლობა ექნებათ აქტიურად ჩაერთონ წინასაარჩევნო კამპანიაში.“

Pages