მედია

ახალი ამბები

ენმ საარჩევნო კოდექსში ცვლილებებს საარჩევნო ადმინისტრაციის უზურპაციად აფასებს

ერთიანი ნაციონალური მოძრაობა საარჩევნო კოდექსში ცვლილებებს საარჩევნო ადმინისტრაციის უზურპაციად აფასებს. აღნიშნულის შესახებ დღეს გამართულ ბრიფინგზე პარტიის წარმომადგენელმა თინა ბოკუჩავამ ისაუბრა.„ჩვენ, აღნიშნულ ცვლილებებთან დაკავშირებით კონსულტაციებს არასამთავრობო და სადამკვირვებლო ორგანიზაციებთან ვმართავთ.ცვლილებები ეხება შემდეგს: ხელისუფლებამ გაიაზრა, რომ ძალიან რთული არჩევნები ელოდება  და შესაბამისად, ცდილობენ საარჩევნო ადმინისტრაციის უზურპაცია მოახდინონ, რათა საარჩევნო პროცესის და შედეგების მანიპულაცია შეძლონ. არსებობს სრული კონსენსუსი ყველა იმ ძალას შორის იქნება ეს პოლიტიკური თუ არასამთავრობო სექტორი, რომ აღნიშნული ცვლილება  უკან გადადგმული ნაბიჯია და ის  საარჩევნო გარემოს  გაუარესებას ემსახურება.ამიტომ, ჩვენ საქართველოს პარლამენტში  ალტერნატიულ ცვლილებებს დავარეგისტრირებთ და ასევე, მივმართავთ ცენტრალური საარჩევნო კომისიის თავმჯდომარესა და საქართველოს პრეზიდენტს საჯაროდ დააფიქსირონ საკუთარი პოზიცია.ეს არ არის ტექნიკური ხასიათის ცვლილებები, ეს არის ძირეული ცვლილებები და აუცილებელია კონსულტაციები გაიმართოს როგორც  არასამთავრობო სადამკვირვებლო ორგანიზაციებთან, ასევე პოლიტიკურ პარტიებთან.ეს ცვლილებები  რეალურად შეუძლებელს ქმნის ჩვენს ქვეყანაში დემოკრატიული არჩევნები ჩატარდეს.„     

ენმ: ბიძინა ივანიშვილი და მისი მაფიოზური კლანი ბიზნესზე ზეწოლას განაგრძობს

შ.პ.ს. „ჯორჯიან მანგანეზი“, „ტერაბანკი“  „ფილიპ მორისი“ „ბრითიშ ამერიქან თობაქო“ და ა.შ. - ეს იმ უხოური კომპანიების ჩამონათვალია, რომელთა მიმართაც ზეწოლა მიმდინარეობს. როგორც ერთიანი ნაციონალური მოძრაობის წარმომადგენელმა ოთარ სირაძემ დღეს გამართულ ბრიფინგზე აღნიშნა, მას შემდეგ რაც ივანიშვილმა და მისმა მაფიოზურმა კლანმა დაიმორჩილა, დააშანტაჟა ქართული ბიზნესი, უცხოელ ინვესტორებსაც მიადგა. „2012 წელი, 5 ოქტომბერი: „მე გაძლევთ პირობას, რომ ჩემი ხელისუფლება თანაბარ პირობებში ჩააყენებს ბიზნესებს და აღმოფხვრის სახელმწიფოს მხრიდან ბიზნესზე ზეწოლის პრაქტიკას.„თუ ხელისუფლების წარმომადგენელი ახდენს თქვენზე ზეწოლას აუცილებლად უნდა  დაიწყო ყვირილი მე გამაუპატიურეს... და უნდა შემოჰკრა განგაშის ზარს“ - ეს სიტყვები ეკუთვნის ბიძინა ივანიშვილსთუმცა, მას შემდეგ დღემდე არაერთმა ქართველმა თუ უცხოელმა ბიზნესმენმა განიცადა ზეწოლა.ივანიშვილმა და მისმა მაფიოზურმა კლანმა, ჯერ დაიმორჩილა, დააშანტაჟა და სრულ მორჩილებაში მოიყვანა ქართული ბიზნესი, ხოლო შემდეგ უცხოელ ინვესტორებს მიადგა. კომპანიებს, რომელთაც ასობით მილიონი დოლარის ინვესტიცია აქვთ განახორციელებული საქართველოში. ამ კომპანიებზე ხდება ხელოვნურად, მიზანმიმართულად  პრობლემების შექმნა, რაშიც ივანიშვილს მხარს უმაგრებს ასევე მის მორჩილებაში მყოფი სასამართლო სისტემა და ამ სისტემის ურცხვი მოსამართლეები.დღეს ჩვენ წარმოგიდგენთ ნაწილს იმ უცხოურ კომპანიებს, რომელთა მიმართაც ხორციელდება აღნიშნული ქმედებები და ასევე, იმ მოსამართლეების გვარებს, ვინც ამ უკანონობაშია ჩართული.შ.პ.ს. „ჯორჯიან მანგანეზი“ მოსამართლე გიორგი დარახველიძე, ჯარიმის ოდენობა 365 მლნ.ლარი. მოსამართლე გოჩა აბუსერიძე ჯარიმის ოდენობა 200 მლნ.ლარი.„ტერაბამკი“  „ფილიპ მორისი“ „ბრითიშ ამერიქან თობაქო“ მოსამართლე ვლადიმერ კაკაბაძე, ჯარიმის ოდენობა 150 მლნ. აშშ.დოლარი.„დემირელის კოლეჯი“ ფინანსური პოლიცია, საგადასახადო სამსახური, ჯარიმის ოდენობა 1,5 მლნ.ლარი, დაყადაღებულია მთელი მათი ქონება, ხოლო მის ერთ-ერთ ხელმძღვანელს მუსტაფა ჩაბუქს მოსამართლე გიორგი კერატიშვილმა წინასწარი პატიმრობა შეუფარდა.„შავი ზღვის საერთაშორისო უნივერსიტეტი“ ფინანსური პოლიცია, საგადასახადო სამსახური, ჯარიმის ოდენობა 1,35 მლნ.ლარი, ხოლო მისი ერთ-ერთი დამფუძნებელი, გერმანიის მოქალაქე ჯიაჰან ჰაკინი საქართველოში არ შემოუშვეს და აეროპორტიდანვე გაუკეთეს დეპორტაცია.კატეგორიულად მოვითხოვთ კიდევ ერთხელ: შეწყდეს ბიზნესზე ზეწოლა. ეს არის ძალიან ცუდი სიგნალი სხვა პოტენციური ინვესტორებისთვის და ჩვენი ქვეყნის იმიჯისთვის, რაც აუცილებლად გამოიღებს თავის უარყოფით შედეგს ჩვენი ქვეყნის ისედაც შეჩერებული ეკონომიკური განვითარებისთვის.“ 

Pages