მედია

ახალი ამბები

განცხადება, რომ საქართველო ტერორისტების ექსპორტიორია, უვიზო მოგზაურობის ამოქმედებას ხელს შეუშლის

ერთიანი ნაციონალური მოძრაობა მიიჩნევს, რომ მიუნხენის კონფერენციაზე რუსეთის საგარეო უწყების ხელმღვანელის მხრიდან გაკეთებულ განცხადებაზე საქართველოს ხელისუფლების დუმილი, უკიდურესად შემაშფოთებელია.როგორც პარტიის დეპუტატმა სალომე სამადაშვილმა განაცხადა,  ლავროვის აღნიშნული განცხადებაზე ადეკვატური იქნებოდა სიგნალის დაფიქსირება, რომ ყველანაირი მოლაპარაკებები რუსეთთან შეჩერდება.„გუშინ, მიუნხენის კონფერენციაზე რუსეთის საგარეო უწყების ხელმძღვანელის მხრიდან გაკეთებულ შეფასებებთან დაკვაშირებით მინდა ავღნიშნო - პირველ რიგში ძალზედ შემაშფოთებელია, რომ ამ დრომდე ჩვენ არ მოგვისმენია ამ განცხადებაძე ოფიციალური თბილისის კომენტარი.ჩვენ ვიცით, რომ რუსეთი ცალსახად ადანაშაულებს საქართველოს 2008 წლის ომში და ეს ახალი არაა. თუმცა, ამჯერად, ლავროვი საუბრობს იმაზე, რომ საქართველო რეალურად წარმოადგენს საფრთხეს ტერორიზმისა და დანაშაულის ექსპორტის მხრივ. ამ განცხადებით მან თქვა, რომ საქართველო რუსეთთან უვიზო რეჟიმს ვერ მიიღებს, რადგან ქვეყანაში  რელურად არსებობს დანაშაულისა და ნარკოტიკის ტრეფიკინგის საფრთხე. ამავდროულად, მან პირდაპირ დაადო ხელი საქართველოს, როგორც ტერორისტების ექსპორტის წყაროს. და ეს მაშინ, როდესაც ჩვენ დღე-დღეზე უნდა დავიწყოთ უვიზოდ მოგზაურობა ევროპაში.საქართველოს მხრიდან ამ განცხადებას უნდა მოჰყოლოდა მკაცრი რეაქცია. მაგალითად - კარასინი-აბაშიძის შეხვედრა იქამდე არ შედგება, სანამ რუსეთი არ შეწყვეტს ისეთი განცხადებების კეთებას, რომელიც დარტყმას აყენებს ჩვენი ქვეყნის სუვერენიტეტს, ჩვენი ქვეყნის ინტერესებს ევროპაში.“ 

ზურაბ მელიქიშვილი: ჩინოვნიკებმა არც კი იციან საწვავზე ფასები რომ გაიზარდა

„ბოლო პერიოდში საწვავი სამ ეტაპად, ჯამში 50 თეთრით გაძვირდა და ეს მაშინ, როცა მოქმედი ხელისუფლების მთავარი დაპირება სწორედ საწვავზე ფასის შემცირება იყო,“ - აღნიშნულის შესახებ ერთიანი ნაციონალური მოძრაობის წარმომადგენელმა ზურაბ მელიქიშვილმა დღეს გამართულ ბრიფინგზე უსაბრა. მელიქიშვილის განცხადებით, საწვავზე ფასის ზრდა პირდაპირ იწვევს როგორც სხვადასხვა სახის მომსახურეობის, ასევე პროდუქტებზე ფასის გაზრდას, რაც მძიმედ აწვება მოსახლეობას.‘’საწვავის გაიაფების დაპირებით მოსული ხელისუფლების პირობებში, თითქმის ყოველდღიურად იზრდება მისი ფასი, რაზეც ლარის გაუფასურებამ და აქცისზე ფასის მატებამ იმოქმედა. თუმცა, ჩინოვნიკებმა არც კი იციან საწვავზე ფასის ზრდის შესახებ, რადგან მათ ავზებს  ჩვენი ჯიბიდან გადახდილი თანხით ვუვსებთ.სასწრაფოდ უნდა შემცირდეს აქცისზე ფასი, ასევე უნდა შემცირდეს ბიუჯეტის ხარჯვითი ნაწილი და მნიშვნელოვანია შეთანხმებულ ფასთან დაკავშირებით ყველა ეჭვი გამოირიცხოს. გაძვირების მესამე ეტაპზე, საერთაშორისო ფასი საერთოდ არ გაზრდილა. რას აკეთებს ამ შემთხვევაში კონკურენციის სააგენტო და ბატონი ხადური, რომელმაც თავი დაგვამახსოვრა თავისი ‘’წარმატებული მუშაობით’’ ფინანსთა სამინისტროში  ამ ეჭვის გასაქარწყლებლად?! არაფერს. „    

Pages