თემირლან მაჩალიკაშვილის მკვლელობა არის ხელისუფლების კრიმინალური ქმედებების შედეგი

„თემირლან მაჩალიკაშვილის მკვლელობა არის ხელისუფლების კრიმინალური ქმედებების შედეგი,“- ამის შესახებ ნუგზარ წიკლაურმა საგანგებოდ გამართულ ბრიფინგზე განაცხადა.„პირველ რიგში მინდა მივუსამძიმრო გარდაცვლილი თემირლან მაჩალიკაშვილის ოჯახს, პანკისის ხეობის მკვიდრებს და საართველოს მოქალაქეებს.თემირლან მაჩალიკაშვილის მკვლელობა საქართველოს მთავრობის კრიმინალური ქმედებების შედეგია.კერძოდ:ხელისუფლების დანაშაულია ჩატაევის ციხიდან გათავისუფლება 2012 წელს საქმის გამოძიების დასრულებმადე.ხელისუფლების დანაშაულია საერთაშორისო ტერორიზმში მხილებული ჩატაევის საქართველოში შემოსვლა.ხელისუფლების დანაშაულია ტერორისტებისთვის თბილისის  ცენტრში სამხედრო ბაზის შექმნის შესაზლებლობის მიცემა, რამაც სპეცრაზმელის სიცოცხლე შეიწირა.ხელისუფლების დანაშაულია ტერორისტებისთვის თბილისში უპრობლემოდ გადაადგილების შესაძლებლობის მიცემა.ხელისუფლების დანაშაულია საკუთარი დანაშაულის დაფარვის მიზნით, 19 წლის ბიჭის დაუნდობელი ჩაცხრილვა საწოლში.ხელისულფების დანაშაულია დროული სამედიცინო დახმარების არგაწევა.ერთიანი ნაციონალური მოძრაობა მიიჩნევს, რომ მთავრობის მოქმედებები მიმართული იყო საქართველოს ეროვნული ინტერესებისა და ჰუმანიზმის პრინციპების წინააღმდეგ.ენმ მხარს დაუჭერს სამოქალაქო პროტესტის ყველა კანონიერ ფორმას, რომელიც სიმართლის დადგენისკენ იქნება მიმართული. „ 

დღეს საქართველოს შეემატა ახალი სისხლის სამართლის დამნაშავე, ე.წ. მოსამართლე გიორგი არევაძე

„დღეს საქართველოს მოსამართლე გიორგი არევაძის სახით ახალი სისხლის სამართლის დამნაშავე შეემატა“ - აღნიშნულის შესახებ დღეს გამართულ ბრიფინგზე ერთიანი ნაციონალური მოძრაობის ლიდერმა ზაზა ბიბილაშვილმა ისაუბრა.„ე.წ. მოსამართლე გიორგი არევაძემ დღეს განაჩენი გამოუტანა  არა საქართველოს მესამე პრეზიდენტს, არამედ მის დამკვეთებს იუსტიციის სამინისტროში, პროკურატურასა და შუშის სასახლეში. ერთიანი ნაციონალური მოძრაობა ვპირდებით მას და პროკურორად წოდებულ ირაკლი ნადარეიშვილს, რომ კანონის წინაშე აგებენ პასუხს.მინდა საზოგადოებამ იცოდეს სწორი ინფორმაცია და არ დაუჯეროს მათ, ვინც ამბობს, რომ მიხეილ სააკაშვილი ე.წ. გირგვლიანის საქმეში ცნეს დამნაშავედ. საქმე, რომელზეც სასამართლომ განაჩენი დღეს გამოაცხადა, ეხება კონსტიტუციით მინიჭებული უფლების გამოყენებას. უფრო კონკრეტულად კი, 2008 წლის აგვისტოს ომის შემდეგ, პრეზიდენტმა სააკაშვილმა 179 ყოფილი სამხედრო და ძალოვანი უწყების წარმომადგენელი შეიწყალა  და მათ სასჯელი გაუნახევრდა.  არაფერი საერთო ამ საქმეს გირგვლიანის საქმესთან არ ჰქონია. და ვინც ამას ამბობს, ან სახელისუფლებო მედიაა, ან უშუალოდ ხელისუფლების პროპაგანდაში მონაწილეობს.2012 წლის შემდგომ, რაც ქართული ოცნება მოვიდა ხელისუფლებაში, განუწყვეტლივ გვესმის ფარისევლური საუბრები იმაზე, რომ კანონი ყველასთვის ერთია და მასზე მაღალი არავინაა. თუმცა დღეს მკაფიო რეალობის წინაშე დავდეგით -  არათუ კანონია ყველასთვის ერთი და მის წინაშე ყველა თანასწორია, არამედ ივანიშვილმა  მოსამართლის ხელით გვითხრა რომ კანონი არის ის, რასაც ივანიშვილი ან მისი ოჯახის წევრი იტყვის.ის, რაც დღეს მოხდა დიაგონიზა, რომ საქართველო  არათუ ვითარდება, არამედ უკან  მიდის. ზედემტია საუბარი დემოკრატიაზე, როცა ერთი ადამიანი წყვეტს რა უნდა იყოს თამანედროვე სახელმწიფოს შემქმელის მომავალი. ქართველი ხალხი ამას არ შეეგუება და ჩვენ ერთად აუცილებლად გავიმარჯვებთ.“

ენმ გილოცავთ ყველას, ვინც დღეს ქრისტესშობის დღესასწაულს აღნიშნავთ

ერთიანი ნაციონალური მოძრაობა გილოცავთ ყველას, ვინც დღეს ქრისტესშობის ბრწყინვალე დღესასწაულს აღნიშნავთ!შობის დღესასწაული კათოლიკეებს, ევანგელისტურ-ბაპტისტური ეკლესიის მრევლსა და ორმოცდაათიანელებს, ენმ-ის ლიდერებმა ნიკა მელიამ, ხატია დეკანოიძემ, გიორგი როინიშვილმა და სევდია უგრეხელიძემ პირადად მიულოცეს.საქართველოს კონსტიტუცია დაფუძნებულია პიროვნების თავისუფლების ქრისტიანულ ტრადიციაზე და იცავს თითოეულ მოქალაქეს. თავისუფლების დაცვა ჩვენი აწმყოსა და მომავლის ურყევ ფუნდამენტად უნდა იქცეს. გისურვებთ ულევ სიხარულს, წინსვლას, წარმატებებს და გამთლიანებულ საქართველოში ცხოვრებას, სადაც თითოეული მოქალაქის თავისუფლება და კანონის წინაშე თანასწორობა დაცულია, სადაც პიროვნების ღირსება უპირობო და ხელშეუვალია.

ელექტროენერგიაზე გადასახადი ისევ იზრდება

დენის გადასახადი  კვლავ იზრდება. როგორც ნაციონალური მოძრაობის წარმომადგენელმა ოთარ სირაძემ აღნიშნა, ელექტროენერგიაზე ფასის ზრდას ქვეყანაში არსებული ეკონომიკური მდგომარეობა განაპირობებს. „ქართულმა  ოცნებამ  საახალწლო საჩუქარი გაუკეთა საქართველოს მოსახლეობას. გადასახადი ელექტროენერგიაზე ისევ იზრდება. ეს არის უშუალოდ მთავრობის არკომპეტენტურობისა და უუნარობის ბრალი.ჩვენ მათ არაერთხელ ვაფრთხილებდით, რომ თუ არ გადადგამდნენ აუცილებელ ნაბიჯებს ეკონომიკის განვითარებისთვის ლარი გაუფასურდებოდა და ეს დარტყმა ტარიფებზეც იქნებოდა ასახული.ლარის გაუფასურება  ეკონომიკური პრობლემების ერთ-ერთი მთავარი მიზეზია, რომელიც  მთავრობის არასწორი ეკონომიკური პოლიტიკითაა გამოწვეულია. ლარის გაუფასურებამ გამოიწვია საწვავის, მედიკამენტების, სურსათის ფასების, ხოლო დენისა და გაზის ტარიფების ისტორიულ მაქსიმუმზე ასვლა. რაც ყველაზე საგანგაშოა ეს პროცესი შეუქცევადია ქართული ოცნების ხელისუფლებაში ყოფნის პირობებში და მომავალშიც მოსალოდნელია, როგორც ფასების ასევე ტარიფების ზრდა.ამ ფონზე კი მთავრობის პასუხი პენსიონერებზე და სოციალურად დაუცველ მოსახლეობაზე, რომელთაც მძიმე ტვირთად აწვება ყველა ეს პრობლემა არის, პენსიის ზრდაზე უარი, რაც ნიშნავს ამ ადამიანების ბედის ანაბარად დატოვებას.ამიტომ, კატეგორიულად მოვითხოვთ პრემიერ-მინისტრისგან, მთავრობამ გადახედოს ახალ ბიუჯეტს, სადაც უამრავი გაბერილი ხარჯია და 2018 წლის იანვრიდანვე გაიზარდოს პენსია მინიმუმ 50 ლარით და ასევე მოუმატოს სოციალურ შემწეობებს, რათა მოხდეს ამ ადამიანებისთვის მინიმალური დაბალანსება მაინც გაზრდილ ფასებთან და ტარიფებთან.“ 

ენმ-ის მიმართვა საქართველოს მოსახლეობასა და საერთაშორისო თანამეგობრობას უკრაინაში მიმდინარე მოვლენებზე

საქართველოს მესამე პრეზიდენტის, ამჟამად უკრაინის ოპოზიციის ლიდერის, მიხეილ სააკაშვილის პოლიტიკური დევნა დემოკრატიასთან შეუსაბამოა.  ამგვარი ქმედება განსაკუთრებით აღმაშფოთებელია ქართველი და უკრაინელი ხალხის ისტორიული მეგობრობისა და პუტინის რუსეთთან ერთობლივი ბრძოლის ფონზე.ის სამართლებრივი საფუძვლები, რაც პოროშენკოს პროკურატურამ მიხეილ სააკაშვილის დაპატიმრების მიზეზად დაასახელა, კრიტიკას ვერ უძლებს და პოლიტიკური ოპონენტის დევნისთვისაა შეთხზული.მოქალაქეობის ჩამორთმევიდან დაპატიმრებამდე განხორციელებული უკანონო ქმედებები მიხეილ სააკაშვილის, როგორც პოლიტიკური ოპონენტის, ნეიტრალიზებას ემსახურება, რასაც სამართალთან არანაირი კავშირი არ აქვს.  აშკარაა, რომ უკრაინისა და საქართველოს ოლიგარქიულ რეჟიმებს სურთ  პოლიტიკური ბრძოლის ველს ჩამოაშორონ ანტიკორუფციული ფრონტის ლიდერი. მოგიწოდებთ ყველას, ვისთვისაც ძვირფასია ამ ორი ქვეყნის თავისუფალი და დემოკრატიული მომავალი, მოვითხოვოთ უკრაინისა და საქართველოს ხელისუფლებებისგან შეწყდეს მიხეილ სააკაშვილის პოლიტიკური დევნა და გათავისუფლდეს ის უკანონო პატიმრობიდან. ჩვენ მკაფიო პოზიციაზეა დამოკიდებული როგორც ჩვენი ქვეყნების ევროპული მომავალი, ასევე მთელს პოსტსაბჭოთა სივრცეში ანტიდემოკრატიული, ავტოკრატიული ტენდენციების შეჩერება.თავისუფალი სამყაროსთვის მიუღებელია პოლიტიკურ ოპონენტებთან დაპატიმრებებითა და ფსევდოსამართლებრივი მეთოდებით ბრძოლა.  მიგვაჩნია, რომ დღეს ეს პოზიცია თავისუფალი სამყაროს ყველა  ლიდერმა ხმამაღლა უნდა გამოხატოს. მოვუწოდებთ ივანიშვილის ხელისუფლებას, კარგად დაფიქრდეს, გააცნობიეროს შექმნილი უმძიმესი ვითარება, რომელიც მისი ანტისახელმწიფოებრივი ქმედებების შედეგია.  ხელი აიღოს ქართული სახელმწიფოს ინტერესების შელახვაზე და  შეწყვიტოს საქართველოს მესამე პრეზიდენტის უკანონო პოლიტიკური დევნა. წინააღმდეგ შემთხვევაში, ხელისულფლება მიიღებს  სამოქალაქო პროტესტს მთელი ქვეყნის მასშტაბით. ამავდროულად, ვიწყებთ მოქალაქეთა ხელმოწერების შეგროვებას მიხეილ სააკაშვილის პოლიტიკური დევნის შეწყვეტის მოთხოვნით. თავისუფლება მიხეილ სააკაშვილსა და ყველა პოლიტიკურ პატიმარს!

ღირსების მანიფესტაცია - 6 დეკემბერი, 14:00 საათი, მეტრო რუსთაველთან 

6 დეკემბერს, 14:00 საათზე, რუსთაველის მეტროსთან, ერთიანი ნაციონალური მოძრაობა ღირსების მანიფესტაციას გამართავს. ენმ-ის პოლიტიკური საბჭოს თავმჯდომარე ნიკა მელიას განცხადებით, ოლიგარქიული რეჟიმის მხრიდან მიხეილ სააკაშვილის დაკავების გამო, პარტია საგანგებო რეჟიმში გადადის და მოუწოდებს ყველას, ვისთვისაც  საქართველოს თავისუფლების იდეალები ძვირფასია, მონაწილეობა მიიღოს ღირსების მანიფესტაციაში.„რამდენიმე საათის წინ პოროშენკოს ოლიგარქიულმა, ტოტალიტარულმა რეჟიმმა და მისმა სპეცდანიშნულების რაზმებმა საქართველოს პრეზიდენტი, „ერთიანი ნაციონალური მოძრაობის“ ლიდერი მიხეილ სააკაშვილი  დააკავეს. მისი დაპატიმრება ივანიშვილისა და პოროშენკოს ოლიგარქიული რეჟიმების შეთანხმებული რევანშია თავისუფლებისთვის მებრძოლი ქართველი და უკრაინელი ხალხების წინააღმდეგ. მეტიც, მიხეილ სააკაშვილის დაპატიმრება რუსეთის ფედერაციის დაუფარავი მოთხოვნის საფუძველზე ხდება.სწორედ ამიტომ, ერთიანი ნაციონალური მოძრაობა მოქმედების საგანგებო რეჟიმზე  გადადის და  საქართველოსთვის გადამწყვეტ ბრძოლას  აცხადებს. მოვუწოდებთ ყველა საქართველოს პატრიოტს, უკლებლივ საქართველოს ყველა მოქალაქეს, ვისთვისაც ძვირფასია საქართველოს თავისუფლების იდეალები, გამოვიდეს ხვალ, 14:00 საათზე რუსთაველის მეტროსთან და მონაწილეობა მიიღოს ღირსების მანიფესტაციაში.„ნაციონალური მოძრაობა“ იწყებს გადამწყვეტ ბრძოლას საქართველოს გადასარჩენას. პარტია ამ წუთიდან საგანგებო მოქმედების რეჟიმში გადადის“.

ენმ მთელს საქართველოში