"ძალა ერთობაშიას" საპრეზიდენტო კანდიდატი გრიგოლ ვაშაძე EPP-ის პრეზიდენტს შეხვდა

გაერთიანებული ოპოზიციის „ძალა ერთობაშიას“ საპრეზიდენტო კანდიდატი გრიგოლ ვაშაძე ევროპარლამენტში შეხვედრებს მართავს.სამდღიანი ვიზიტის ფარგლებში, გრიგოლ ვაშაძე ევროპის სახალხო პარტიიის პრეზიდენტს ჯოზეფ დოლს შეხვდა. გაერთიანებული ოპოზიციის საპრეზიდენტო კანდიდატის განცხადებით, საუბრის მთავარი თემა, საქართველოში მოახლოებული საპრეზიდენტო არჩევნებია. მისივე თქმით, წინასაარჩევნო პროცესში ოპოზიციისთვის შექმნილი პრობლემების შესახებ ევროპარლამენტის დეპუტატები ინფორმირებულნი არიან.„ჩვენს მოკავშირეებს ესმით ის არათანასწორი პირობები, რომელშიც 11 პოლიტიკური სუბიექტისგან შემდგარი გაერთიანებული ოპოზიცია იმყოფება. სწორედ ამიტომ ითხოვენ ისინი თანაბარ გარემოს ისეთ საკითხებში, როგორიცაა დაფინანსება და მედია საშუალებებზე წვდომა. შეხვედრებზე, რა თქმა უნდა განვიხილეთ ქვეყნის დეოკუპაციისა და რუსული აგრესიის შეკავების საკითხებიც. ჩვენ მიზანია, დაჩქარდეს ევროკავშირში საქართველოს ინტეგრაცია. მოქალაქეების ინტერესები არ უნდა შეეწიროს „ქართული ოცნების“ ანტისახელმწიფოებრივ და ძალადობრივ პოლიტიკას, მით უფრო, რომ 28 ოქტომბრიდან ხელისუფლების ცვლილების პროცესი იწყება”, - განაცხადა გრიგოლ ვაშაძემ.გაერთიანებული ოპოზიციის „ძალა ერთობაშიას“ საპრეზიდენტო კანდიდატის ვიზიტი ბრიუსელში ორი დღის წინ დაიწყო. ოფიციალური ვიზიტის ფარგლებში, გრიგოლ ვაშაძეს სხვადასხვა ფორმატში, რამდენიმე მნიშვნელოვაი შეხვედრა აქვს დაგეგმილი.

73 საარჩევნო კომისიაში, ევროპულმა საქართველომ მხარი ქართული ოცნების გადაწყვეტილებებს დაუჭირა

73 საარჩევნო კომისიაში, ევროპულმა საქართველომ მხარი ქართული ოცნების გადაწყვეტილებებს დაუჭირა. აღნიშნულის შესახებ დღეს გამართულ ბრიფინგზე გაერთიანებული ოპოზიცია „ძალა ერთობაშიას“ წარმომადგენელმა გიორგი ბოტკოველმა ისაუბრა. „29 აგვისტოს ჩატარებულ 73 საოლქო საარჩევნო კომისიაში ჩატარებულ სხდომას, დაფიქსირდა გამაოგნებელი ფაქტი - დავით ბაქრაძისა და ევროპული საქართველოსწარმომადგენლებმა კომისიის წევრებმა საოლქო საარჩევნო კომისიებში მხარი დაუჭირეს აბსოლუტურად ყველა გადაწყვეტილებას, რომელიც იქნა მიღებული საოლქო საარჩევნო კომისიების მიერ.ეს გადაწყვეტილებები ეწინააღმდეგებოდა ინიციატივებს გაერთიანებული ოპოზიციის წარმომადგენლების მხრიდან და ასევე, ყველა ის გადაწყვეტილება, რომელიც საოლქო კომისიების მხრიდან ხელს შეუწყობს შემდგომში არჩევნების გაყალბების პროცესს.ეს ფაქტი, რა თქმა უნდა, საჭიროებს პასუხს, რომელიც უნდა გაგვცეს ევროპულმა საქართველომ,“ - განაცხადა გიორგი ბოტკოველმა.  

ხელისუფლება ბოლნისის რაიონში საპრეზიდენტო არჩევნების გაყალბებას ცდილობს

"ქართული ოცნება" ცდილობს ბოლნისის რაიონში საპრეზიდენტო არჩევნები გააყალბოს“ - აღნიშნულის შესახებ დღეს გამართულ ბრიფინგზე გაერთიანებული ოპოზიიციის "ძალა ერთობაშიას" წარმომადგენელმა სამირა ისმაილოვამ ისაუბრა."თამარ ჟვანია არის "ქართული ოცნების" ინტერესების გამტარებელი, რაც გამოჩნდა არამხოლოდ თბილისში, არამედ მთელი საქართველოს მასშტაბით და ამის მაგალითები არსებობს. კერძოდ, იმის თუ როგორ ატარებენ "ქართული ოცნების" ინტერესებს რაიონების დონეზე, ადგილზე აკომპლექტებენ საოლქო კომისიებს. დღეს ვსაუბრობ ბოლნისის შემთხვევაზე, როგორ იგებენ ტენდერებს და როგორ იყენებენ თავიანთ პოზიციებს ის ადამიანები,რომლებიც დასაქმებულები არიან სხვადასხვა სამსახურებში.ისინი სწორედ იმიტომ არიან წარმოდგენილები ბოლნისის საარჩევნო კომისიაში, რომ დაიცვან "ქართული ოცნების" ინტერესები. მაგალითად, ბოლნისის რაიონის საოლქო საარჩევნო კომისიის მუდმივი წევრია ვიქტორ ისიანი,რომლის მეუღლეც ფიქრია მიქელაძე ფლობს კომპანიას "THE BEST GOOD"-ს. ეს ქალბატონი კომპანიის დამფუძნებელი და 100%-ის მეწილეა. აღნიშნული კომპანია დაფუძნდა 2013 წელს, წინა საპრეზიდენტო არჩევნებამდე. ამ ქალბატონის კომპანია მონაწილეობს მუდმივად ადგილობრივ ტენდერებში და ბოლნისის მუნტიციპალიტეტიდან დაფინანსებას იღებს სხვადასხვა საქმიანობისათვის.ჩვენ რეესტრიდან ამოვიღეთ ის ტენდერები, რომელიც მას აქვს მოგებული. საუბარია გამარტივებულ შესყიდვაზე, პირდაპირი ხელშეკრულებით აძლევენ მას ტენდერებს და ჯამში ბოლო წლების განმავლობაში მოგებული ტედერები შეადგენს 98 947 ლარს. ეს კი იმას ნიშნავს, რომ "ქართული ოცნება" აფინანსებს ამ კომპანიებს და შემდეგ ოჯახის წევრები, რომლებიც წარმოდგენილები არიან ადგილობრივ ოლქებში, არიან არჩევნების გამყალბებლები ბოლნისის რაიონში.ასევე ბოლნისის მერიის სოციალურ სამსახურში დასაქმებულია მანანა კობახიძე, რომელსაც პირდაპირ წვდომა აქვს ყველა სოციალურად დაუცველ ადამიანზე. ეს პირველი არჩევნები არ არის, როდესაც კობახიძე პირდაპირ ზეწოლას ახდენს იმ ოჯახებზე, რომლებიც სოციალურ დახმარებას იღებენ.ეს ადამიანი საარჩევნო ოლქში კომისიის წევრადაა წარმოდგენილი.გარდა ამისა, მუნიცილაპიტეტის დასუფთავების სამსახურის თანამშრომელია შმაგი სვანიძე, რომელიც "ქართული ოცნების" მაღალჩინოსნებთან და ადგილობრივ დეპუტატებთან დაახლოებული პირია. ესენი არიან ის მთავარი პირები, რომლებიც ატარებენ ბოლნისში არჩევნებს და სააყრდენი არიან "ქართული ოცნების",- განაცხადა სამირა ისმაილოვამ.

ენმ მთელს საქართველოში